Երևանի աղբահանությամբ զբաղվող հիմնարկը կուտակել է պարտքեր ու "տուգանվել"

Ինչպես գիտենք՝ 2018թ.-ի վերջին հատվածն ու 2019թ.-ը Երևանում «նշանավորվեց» աղբահանության խնդրով: Այդ շրջանում Երևանի քաղաքապետարանն ու մայրաքաղաքում աղբահանության խնդրով զբաղվող «Սանիտեք» ընկերությունը միմյանց էին մեղադրում, ինչի արդյունքում բազում քաղաքացիներ բողոքի ձայն էին բարձրացնում տիրող իրավիճակի վերաբերյալ:
Քաղաքապետարանը մեղադրում էր «Սանիտեքին» սաբոտաժ իրականացնելու մեջ, իսկ «Սանիտեքը» քաղաքապետարանին՝իրենց առաջարկներն ու զգուշացումներն անուշադրության մատնելու մեջ: Այդուհանդերձ այս հարցը կարծես թե լուծվեց, ինչից հետո մայրաքաղաքում աղբահանության խնդրով սկսեց զբաղվել Երևանի աղբահանության և սանիտարական մաքրում » պետական կառավարչական հիմնարկը։ Սակայն 2020թ.-ի փետրվարի 24-ին այս հիմնարկը ստացել է ծանուցում, համաձայն որի՝ "տուգանվել է" 588 հազար 188 դրամով: Գանձելու նպատակով, ՊԵԿ-ը վարույթ է ընդունել։

Հարց է առաջանում․հնարավո՞ր է՝ մայրաքաղաքը պարտքերի պատճառով նորից հայտնվի աղբի մեջ։