ՀՀԿ-ականները պահանջել են Սերժ Սարգսյանի հրաժարականը

Մամուլը գրեց, որ ՀՀԿ-ից դուրս են եկել Ֆիրդուս Զաքարյանն ու Լեռնիկ Ալեքսանյանը, երկուսն էլ արարատցի։ Մենք դեռ հեղափոխությունից հետո էինք գրել, որ ՀՀԿ-ի հրավիրած խորհրդի նիստի ժամանակ երկուսն էլ ընդդիմացել ենք, քննադատել եւ Սերժ Սարգսյանի՝ կուսակցության ղեկավարից հրաժարվելու, ռեբրեդինք անելու հարց բարձրացրել, ասելով, որ հեղափոխությունն էլ ըստ էության տեղի ունեցավ այդ պատճառով։ Վերջինս էլ հեգնել էր նրանց, ասելով, դժգոհ են, թող դուրս գան ու արարատցիների կուսակցություն ստեղծեն։ Եւ, ահա, նրանք դուրս եկան եւ չի բացառվում կուսակցություն ստեղծեն։ Մեզ հայտնի դարձավ, որ երբ մի քանի օր առաջ գնացել են հեռանալու դիմում գրեն, պնդել են հայտնի խորհրդի նիստում հայտնած տեսակետները։