Բավարիան դարձավ Գերմանիայի չեմպիոն

Բունդեսլիգայի 33-րդ տուրում «Բավարիան» մրցակցի հարկի տակ 2:1 հաշվով պարտության մատնեց «Ինգոլշտադտին» և 26-րդ անգամ դարձավ Գերմանիայի չեմպիոն: Խոսեպ Գվարդիոլայի թիմը վաստակել է 85 միավոր և անկախ մոտակա հետապնդող «Բորուսիայի» խաղից, անհասանելի դարձավ դորտմունդցիների համար: Մյունխենցիների կազմում դուբլի հեղինակ է դարձել Ռոբերտ Լևանդովսկին: «Բորուսիան» իր հերթին հյուրընկալվելիս 0:1 հաշվով պարտվեց Ֆրանկֆուրտի «Այնտրախտին», որը պայքարում է Բունդեսլիգայում իր տեղը պահպանելու համար: Միակ գոլը 14-րդ րոպեին հեղինակել է Շտեֆան Այգները: Հայաստանի հավաքականի ու «Բորուսիայի» կիսապաշտպան Հենրիխ Մխիթարյանը մասնակցեց ողջ հանդիպմանը և 43-րդ րոպեին արժանանալով դեղին քարտի: