Անցյալ տարի ԻՊ-ի գրոհայինները Սիրիայում հավաքագրել են մոտ 1800 երեխայի

EFE գործակալությունը` հղում անելով Մարդու իրավունքների հարցերով սիրիական դիտորդական խորհրդի տվյալներին հայտնում է,որ   ԻՊ ահաբեկչական խմբավորման գրոհայինները 2015 թվականին իրենց շարքերն են ընդունել մոտ 1800 սիրիացի երեխայի:   Նրանցից  350-ն արդեն մահացել են: Մասնավորապես՝ առնվազն 48 «նորակոչիկներ» դարձել են մահապարտ ահաբեկիչներ և կյանքին հրաժեշտ են տվել հանձնարարությունները կատարելու ժամանակ, գրում է Корреспондент-ը:   Սիրիայում ԻՊ-ի կողմից վերահսկվող տարածքներում գործում են հավաքագրման հատուկ կետեր։ Երեխաները պատրաստություն են անցնում ահաբեկիչների մարզական ճամբարներում, որից հետո նրանց սկսում են օգտագործել ահաբեկչություններ իրականացնելու, ինչպես նաև ռազմական գործողություններին մասնակցելու համար։   Հունվարին ահաբեկիչներն ավարտել են 175 անչափահասի մարզումը։