Էրդողանի կոչը Պուտինին
Թուրքիայի նախագահ Ռեջեփ Թայիփ Էրդողանը կոչ է արել ՌԴ նախագահ Վլադիմիր Պուտինին ազդել Սիրիայի առաջնորդ Բաշար ալ Ասադի վրա` Իդլիբի նահանգում իրավիճակի սրման հետ կապված: Այս մասին տեղեկացնում է РИА Новости գործակալությունը:
Փետրվարի 4-ին Պուտինն ու Էրդողանը հեռախոսազրույց էին ունեցել: Կրեմլում տեղեկացրել են, որ երկու նախագահներն էլ ընդգծել են Սիրիայում ռուս-թուրքական պայմանավորվածությունների կատարման կարևորությունը:
Թուրքիան կոչ է անում Ռուսաստանին սաստել Սիրիայի կառավարական ուժերին Իդլիբի շրջանում: Հայտարարությանը նախորդել էր թուրքական ուժերի դեմ հարձակումը Իդլիբում, երբ զոհվել էին թուրք ութ զինծառայողներ և պայմանագրային աշխատողներ:
Թուրքիայի նախագահն ընդգծել է, որ եթե փետրվարի ընթացքում Սիրիայի կառավարական ուժերը չնահանջեն Իդլիբում գտնվող երկու թուրքական դիտակետերից, Թուրքիան ստիպված կլինի նոր գործողություն սկսել:
Հետևեք մեզ Viber-ում
