Նիկոլ Փաշինյանն էլ վարչապետ չէ

Սահմանադրական դատարանի խնդիրը իշխանությանը գցել է ցուգցվանգի մեջ: Որոշներն այնքան են հոգեխանգարվել Հրայր Թովմասյանին պաշտոնանկ անելու եւ իրենց երազած անատամ ՍԴ-ն ձեւավերելու մտքից, որ բառիս բուն իմաստով զառանցում են: Իհարկե, յուրաքանչյուրի նախընտրությունն է թե զառանցելը, թե ճշմարտության երեսին բաց աչքերով նայելը, բայց որ ԱԺ պատգամավորն է զառանցքանքներ ունենում ու դա դեմքի լուրջ արտահայտությամբ փորձում է ներկայացրել իրականության տեղ, այստեղ խոսքերն ու մեկնաբանությունները դառնում են ավելորդ: Գրիչի խայտառակ պատմությունից հետո էլ ավելի տեսանելի է, որ իշխանությունում պատ են ճանկռոտում, Նիկոլ Փաշինյանը ֆաս հրաման է արձակել թիմակիցներին, որպեսզի տեղից ելնողը ծամի Հրայր Թովմասյանի միսը: Խայտարված պատմությունից գազազած մարդիկ էլ կորցրել են ճշտի ու սխալի զգացողությունը, եթե, իհարկե, երբեւեէ ունեցել են եւ ընդհանրապես հասկացել են ՍԴ-ի կամ իշխանության որեւէ օղեկի դերն ու նշանակությունը:

Ահավասիկ Իմ Քայլը խմբակցության պատգամավոր Քրիստինե Պողոսյանը
Հայտարարել է, թե Հրայր Թովմասյանն անգրագետ հայտարարություն է արել, նա չի հասկանում, որ ՍԴ –ի նախագահը դատական իշխանության ներկայացուցիչ չէ: Այստեղ են ասում՝ հասել ենք, իջեք: Սա ասում է մի մարդ, ով մեր երկրի օրենսդիր մարմնի ներկայացուցիչ է ու սրա նմաններն են այս պետության ճակատագիրը կերտում: Սա ասում է մի պատգամավոր, ով քննում է ապրիլյան պատերազմի դեպքերը, ով, փաստորեն, աշխատավարձ է ստանում մեր վճարած հարկերից, որպեսզի նման անհեթեթություններ խոսի:

Այս աղջկա տրամաբանությամբ էլ Նիկոլ Փաշինյանը գործադիր իշխանության ղեկավար կամ ներկայացուցիչ չէ, կամ ավելի դիպուկ՝ վարչապետ չէ կամ Արարատ Միրզոյանն ու ինքն էլ օրենսդիր մարմնի ներկայացուցիչներ չեն:

Մնում է երեւակայել, թե ինչ նկատի ունի սույն պատգամավորը, երբ հայտարարում է նաեւ, թե ՍԴ-ի իբր ճգնաժամի լուծման ձեւը կա եւ այդ մասին շուտով կհայտարարի խմբակցության ղեկավարը: Եթե այս մարդիկ այսօր չգիտեն տարրական ճշմարտություններ, ապա կարելի է պատկերացնել, թե որն է լինելու նրանց գտած լուծումը:

Ինչ հանգուցալուծում էլ, որ ստանա ՍԴ-ի թնջուկը, Նիկոլ Փաշինյանի թիմն ամենօրյա ռեժիմով ապացուցում է, որ իշխանության դեմ դավադիր կամ հիբրիդային հեղաշրջումն անում են հենց իրենք այսպիսի աշխարհացունց մտքերով:

Անի Սահակյան