Մեկնարկել է օլիմպիական կրակի էստաֆետը

Օլիմպիական կրակի էստաֆետը մայիսի 3-ին մեկնարկել է Բրազիլիայի Պլանալտու պալատից, որը երկրի նախագահ Դիլմա Ռուսեֆի աշխատանքային նստավայրն է: Ինչպես հաղորդում է Lenta.ru-ն` օլիմպիական կրակը Բրազիլիա է ժամանել ինքնաթիռով շվեյցարական Լոզան քաղաքից, որտեղ տեղակայված է Միջազգային օլիմպիական կոմիտեի  գլխավոր գրասենյակը: Հանդիսավոր արարողության ժամանակ Ռուսեֆը  օլիմպիական ջահը հանձնել է Բրազիլիայի հավաքականի կազմում ընդգրկված վոլեյբոլի երկակի օլիմպիական չեմպիոնուհի Ֆաբիանա Կլաուդինոյին: Օլիմպիական ջահը երկրով մեկ կտանեն 12 000 մարզիկներ, որոնց ընտրել են մրցույթների կազմակերպիչները: Մինչև «Ռիո-2016» Օլիմպիական խաղերի մեկնարկը մնացել է  95 օր, որի ընթացքում կրակը 20 000 կմ տարածություն կանցնի և օգոստոսի 5-ին կհասնի Ռիո դե Ժանեյրոյի «Մարականա» մարզադաշտ: