Ավտովթար Լոռու մարզում. բախվել են 33-ամյա վարորդի Mercedes ավտոքարշակն ու 57-ամյա վարորդի ЗИЛ-ը

Երեկ՝ դեկտեմբերի 29-ին, ավտովթար է տեղի ունեցել Լոռու մարզում: Ժամը 04:45-ի սահմաններում Ալավերդի-Վանաձոր ավտոճանապարհի 2-րդ կմ հատվածում բախվել են Տավուշի մարզի Բագրատաշեն գյուղի բնակիչ, 33-ամյա Համլետ Շիրվանյանի վարած Mercedes մակնիշի 36 QS 745 համարանիշի և Տավուշի մարզի Կողբ համայնքի բնակիչ, 57-ամյա Յուրիկ Բաղինյանի վարած ЗИЛ 130 մակնիշի 35 NS 895 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով Հ. Շիրվանյանը մարմնական վնասվածքներով դիմել է Ալավերդու բժշկական կենտրոն: Դեպքի վայր է ժամանել ոստիկանության Թումանյանի բաժնի օպերատիվ խումբը: Ժամանել են նաև ճանապարհային ոստիկանության 2-րդ սպայական գումարտակի 5-րդ վաշտի 2-րդ դասակի ծառայողները՝ վաշտի հրամանատար Սմբատ Նորեկյանի գլխավորությամբ: Փաստի առթիվ նույն վաշտի հետաքննիչ Գարիկ Մելիքսեթյանի կողմից նյութեր են նախապատրաստվում: