Դիլիջանում կրակոցներ են հնչել, 32-ամյա տղամարդը սպանվել է

Դիլիջանում կրակոցներ են հնչել, ինչի հետևանքով մեկ երիտասարդ մահացել է։ Tert.am-ի տեղեկություններով՝ նախքան կրակոցները վիճաբանություն է տեղի ունեցել, ինչին հաջորդել են կրակոցներ՝ ինքնաձիգից։ Դեպքի վայրում հայտնաբերվել են ինքնաձիգի պարկուճներ։

Դեպքի վերաբերյալ Tert.am-ի հարցին ի պատասխան՝ Ոստիկանության հասարակայնության հետ կապի և լրատվության վարչության պետի տեղակալ Էդգար Ջանոյանն ասաց, որ դեպքի վերաբերյալ ոստիկանությունն ահազանգ ստացել է։

«Այսօր՝ ժամը 21։00-ի սահմաններում «Դիլիջան» բժշկական կենտրոնից ոստիկանության Դիլիջանի բաժին ահազանգ է ստացվել, որ հրազենային վնասվածքներով իրենց մոտ է տեղափոխվել 32 ամյա տղամարդը, որը, բժշկական կենտրոնում գիտակցության չգալով, մահացել է»,-ասաց Ջանոյանը։

Ոստիկանությունից հայտնեցին, որ դեպքի հանգամանքները պարզվում են, կատարվում է քննություն