Խաշողջիի սպանության գործով մահապատժի է դատապարտվել 5 մարդ
The Guardian պարբերականը տեղեկացնում է, որ Սաուդյան Արաբիայում 5 մարդ մահապատժի է դատապարտվել, ևս երեքը դատապարտվել է 24 տարվա ազատազրկման՝ անցյալ տարի Ստամբուլում Սաուդյան Արաբիայի դեսպանատանն ընդդիմադիր լրագրող Ջամալ Խաշողջիի սպանության գործում մեղավոր ճանաչվելուց հետո:
Մեղադրյալները կարող են բողոքարկել դատավճիռները,- նշել է դատախազի տեղակալը:
Բոլոր 11 մեղադրյալները մեղավոր են ճանաչվել սպանության համար, որը հանգեցրել է 2001թ. սեպտեմբերի 11-ի ահաբեկչությունից ի վեր թագավորության համար ամենամեծ դիվանագիտական ճգնաժամին:
Սաուդյան Արաբիայի պետական հեռուստաընկերությունը տեղեկացրել է, որ թագաժառանգ արքայազն Մոհամեդ Բին Սալմանի նախկին խորհրդական Սաուդ-ալ-Քահթանին հետաքննությունից հետո ազատ է արձակվել և նրա նկատմամբ մեղադրանք չի առաջադրվել:
Ալ-Քահթանիի նկատմամբ պատժամիջոցներ էին սահմանվել ԱՄՆ-ի կողմից՝ սպանության մեջ նրա ներգրավվածության համար:
Դատարանը որոշել է նաև, որ սպանության ժամանակ Ստամբուլում Սաուդյան Արաբիայի գլխավոր հյուպատոս Մոհամեդ ալ-Օթաիբին մեղավոր չէ: Դատարանի որոշումից հետո նրան ազատել են:
Հետևեք մեզ Viber-ում
