Իսկ դուք ի՞նչ եք դնելու ձեր տոնական սեղանին

Հայաստանում պաշտոնապես գրնացված մոտ 600 հազար աշխատողների 30 տոոկսը` այսինքն` ընդհանուր առմամբ 180-190.000 աշխատող, ստանում է նվազագույն աշխատավարձ: Նրանցից շուրջ 57.000-ը զբաղված է՝ պետական, իսկ 130.000-ը` մասնավոր հատվածում։ Նվազագույւն աշխատավարձն այժմ սահմանված է 55 հազար դրամ, իսկ հունվարից կդառնա 68 հազար դրամ: 13 հազար դրամ հավելալ եկամուտը դեռ չստացած քաղաքացիները ևս նախատոնական եռուզեռի մեջ են: Թե ինչ տոնական սեղան կարող են պատրաստել նրանք 55 հազարով, փորձենք պատկերացնել: Տավարի մսի մեկ կլիգրամն արժի 2500-3900 դրամ, խոզի միսը `2600-3500, տեղական թռչնի միսը` 1250- 1500, ներկրված թռչնի միսը` 750-1300 դրամ: Ընդեղենից ընկույզի գինը` 4500-8000 դրամ, պնդուկը` 4000-5700, նուշը` 6000-7500 դրամ: Մրգերիցխմձորն արժի 300-700 դրամ, տանձ` 500-1500, նուռ` 650-1200, մանդարին` 300-600, նարինջ` 550-700, բանան` 600-700 դրամ: Երշիկ/ ապխտած/` ըստ ճաշակի սկսած 1950 դրամից, բաստուրմա` 1 կգն սկսած 5000 դրամից, ձիթապտուղ` սկսած 1700 դրամից: Շոկոլադ `ըստ ճաշակի և հնարավորության 1 կգ-ի գինը միջինը 2000-7000 դրամ է, պանիր `սկսած 1700 դրամից:
Օղին` 0,5 լիտրը սկսած 1300 դրամից, գինին` 1 լիտրը սկսած 1500 դրամից: Հաց` 1 կգ-ն ` սկսած 490 դրամից: Կանաչի / խառը/ մեկ կապը սկսած 230 դրամից:
Չնայած վարչապետ Նիկոլ Փաշինյանն ու նրա տիկինը կոչ են անում Նոր տարին անցկացնել Հանարապետության հրապարակում, սակայն հայկական ընտանիքի տոնական սեղանին նշված մթերքները պարտադիր նվազագույնի մեջ են մտնում: Եթե փորձենք պատկերացնել, թե ինչ տոնական սեղան կունենա նվազագոււյն աշխատավարձ ստացող քաղաքացին, որը ստիպված է նաև իր նվազագույն ռոճիկի մի մասն էլ կողմ դնել, որ դեռ կարողանա հունվարի մնացած օրերին ապրել, ապա կստացվի, որ սեղանը կիսադատարկ է լինելու:
Ընդհանրապես Հայաստանում գրանցված աշխատողների թիվը պարբերաբար հրապարակելը վարչապետ Նիկոլ Փաշինյանի սիրելի զբաղմունքներից է: Թեմային վերջին անգամ Փաշինյանն իր ֆբ էջում անդադարձել է դեկտեմբերի 9-ին, գրելով, որ 2018-ի մայիսից ի վեր պաշտոնապես գրանցված աշխատողների թիվը Հայաստանում ավելացել է 64 հազար 899 հազարով:
«Հայաստանի պատմության մեջ առաջին անգամ պաշտոնապես գրանցված աշխատողների թիվը գերազանցել է 600 հազարի շեմը՝ կազմելով 606 հազար 40», - ասված է վարչապետի գրառման մեջ:
Առաջարկենք վարչապետին, այսուհետ աշխատատողերի թիվը հրապարակելուց բացի, հրապարակել նաև աշխատավարձերի չափերը:
Փաստորեն, Նիկոլ Փաշինյանին այդքան մեծ ոգևորություն պարգևած աշխատատեղերի համար սահմանված է նվազագույն կամ դրան շատ մոտ աշխատավարձ: Համեմատության համար նշենք, որ անգամ հունվարի բարձրացումից հետո նախարարների աշխատավարձը ավելի քան 22 անգամ բարձր է նվազագույն աշխատավարձից։
Ահա այսպիսի հետհեղափոխական սոցիալական արդարություն:

Հայկ Դավթյան