Նիկոլ Փաշինյան, դե թող քո չորս երեխաները գարդասիլ պատվաստանյութով պատվաստվեն. Մարինա Խաչատրյան (video)
Ոչ թե հակապատվաստումային քարոզը պետք է քրեականացնել, այլ պատվաստումների գովազդը, որով ակտիվորեն զբաղվում է Առողջապահության նախարարությունը՝ նախարարի գլխավորությամբ: Այս մասին Անժելա Թովմասյանի՝ «Արմնյուզ» ՀԸ հեռարձակվող հեղինակային «Հայելու առաջ» հաղորդաշարի ժամանակ ասել է «Առողջ հանրություն» ՀԿ-ի ղեկավար Մարինա Խաչատրյանը:
Հիշեցնենք, որ օրերս Արսեն Թորոսյանը հայտարարել էր, որ, եթե պատվաստանյութերի հակաքարոզն այսպես շարունակվի, ապա այն պետք է քրեականացնել:
Հաղորդման մյուս հյուրի՝ բժշկուհի Նունե Ավանեսյանի խոսքով՝ պետք է քրեականացնել պետական ռեսուրսի օգտագործումը՝ բժշկական հանրության նկատմամբ ճնշում գործադրելու նպատակով. «Առողջապահության նախարարն ու նախարարության աշխատակիցները ճնշում են բժիշկներին, սպառնում՝ աշխատանքից ազատել: Նման քայլերը պետք է քրեականացնել»:
Խոսելով Հայաստանում իրականացվող պատվաստումներից ու պատվաստանյութերի վտանգներից՝ բժշկուհի Նունե Ավանեսյանն ասել է, որ վտանգների մասին այսօր դժվար է խոսելը, քանի որ վտանգներն առաջ են գալիս պատվաստումից մի քանի տարի անց:
Մարինա Խաչատրյանն այլ կարծիք ունի: Նրա դիտարկմամբ՝ խիստ կասկածելի է, երբ ասում են՝ պատվաստումներից վերջին տարիներին մահվան դեպքեր չեն եղել. «Երբ նոր ծնված երեխան պատվաստում ստանալուց որոշ ժամանակ հետո հայտնվում է հիվանդանոցում, սակայն ասում են՝ առաջացած առողջական հարցերը կապված չեն պատվաստանյութերի հետ, դա կասկածելի է: Կան հստակ դեպքեր, որոնցով հարուցվել են քրեական գործեր, որոնք կարճվել են»:
Անդրադառնալով օրերս մամուլի ասուլիսի ժամանակ հնչեցրած հայտարարությանը՝ ըստ որի՝ Հայաստանում «Գարդասիլ 4» պատվաստանյութով պատվաստում են միասեռականներին, Նունե Ավանեսյանը՝ հայտարարության հեղինակը, ասել է. «Նման տեղեկություն ես ստացել եմ արտասահմանցի իմ գործընկերներից: Անձնական զրույցներում նրանք ասել են, որ այդ պատվաստանյութով նրանք պատվաստում են միասեռականներին»:
Հետևեք մեզ Viber-ում
