Մխիթարյանը` 2 գոլային փոխանցման հեղինակ

Գերմանական Բունդեսլիգայի 32-րդ տուրում Դորտմունդի «Բորուսիան» սեփական հարկի տակ 5 անպատասխան գնդակ ուղարկեց «Վոլֆսբուրգի» դարպասը:  Տանտերերի կազմում դուբլի հեղինակ դարձավ Պյեր-Էմերիկ Օբամեյանգը: Հայաստանի ազգային հավաքականի կիսապաաշտպան Հենրիխ Մխիթարյանը մասնակցեց ամբողջ հանդիպմանը եւ դարձավ 2 գոլային փոխանցման հեղինակ: 7-րդ րոպեին հայ ֆուտբոլիստի փոխանցումից հետո հաշիվը բացեց Կագավան, իսկ 77-րդ րոպեին Մխիթարյանի փոխանցումից հետո գոլի հեղինակ դարձավ Օբամեյանգը: Վերջինս մեկ րոպե անց խփեց իր 2-րդ գոլը: Այս հաղթանակից հետո 2-րդ տեղում ընթացող «Բորուսիան» ունի 77 միավոր: «Վոլֆսբուրգը» 39 միավորով 10-րդն է: «Բորուսիա»-«Վոլֆսբուրգ»` 5:0 Գոլերը` Կագավա (7), Ռամոս (9), Ռոյս (59), Օբամեյանգ (77, 78)