Գյուղացուն զրկում են ապրուստից, Նիկոլի դեմ ծայրահեղ ազգայանական շարժում ենք սկսում. նախկին ֆերմեր (video)
Այն, ինչ տեղի ունեցավ մոտ երկու տարի առաջ, հեղափոխություն չէր: Տեղի ունեցավ տեղափոխություն, որից հետո իշխանության եկան դեղնակտուցները, Անժելա Թովմասյանի՝ «Արմնյուզ» ՀԸ հեռարձակվող հեղինակային «Հայելու առաջ» հաղորդաշարի ժամանակ ասել է նախկին ֆերմեր Տիգրան Եղոյանը: Ֆերմերը հավատում է, որ իրական հեղափոխությունը դեռ առջևում է:
Իր գործունեության ընթացքում, Տիգրան Եղոյանը բազմիցս բարձրաձայնել է նախկին իշխանությունների կողմից Վայոց Ձորի մարզում իրականացվող ապօրինի գործունեության մասին: Նրա խոսքով՝ այդ վիճակը շարունակում է տիրել մարզում նաև այսօր, պարզապես նախկին հանցագործներին փոխարինել են այսօրվա իշխանության ներկայացուցիչները:
Անդրադառնալով Վայոց Ձորի մարզում տիրող կոնկրետ խնդիրներին, նախկին Տիգրան Եղոյանն ասել է, որ մարզում, մասնավորապես՝ Շատին համայնքում, ամբողջ տնտեսությունը քանդվել է. «Իմ ճանաչած ֆերմերներից մեկը վաճառեց իր հողն ու հեռացավ երկրից: Բազմից ասել ենք՝ մարզում ջուրը գողանում են, հատուկ խողովակներով ջուրն ուղղում են Նախիջևան»:
Ֆերմերի խոսքով՝ այս ամենին համարժեք չարձագանքելը նման է ցեղասպանության և իր համար նշանակություն չունի, թե ում է դրանում մեղադրում նա՝ Նիկոլ Փաշինյանին, թե՞ Տարածքային կառավարման նախարար Սուրեն Պապիկյանին:
Խոսելով գյուղատնտեսության մասին վարչապետի հայտարարություններից՝ Տիգրան Եղոյանն ասել է, որ վարչապետի ասածները բլեֆ են: Նախկին ֆերմերը հիշեցրեց վարչապետի հայտարարությունը Թալինում, երբ նա ասել էր, որ խոշոր ներդրում է լինելու, եվրոստանդարտին համապատասխան անասնագոմեր են կառուցվելու, իսկ այսօր տեսնում ենք, որ ոչինչ էլ գյուղատնտեսության ոլորտում չի եղել:
Տիգրան Եղոյանը ցավով է նշում, որ գյուղացին լքում է իր հողն ու տունը, որն իրական տագնապ է, քանի որ գյուղեր են դատարկվում:
Եզրափակելով խոսքը՝ Տիգրան Եղոյանը նշել է, որ նախատեսում է ծայրահեղ-ազգայնական շարժում սկսել: Հարցին՝ ինչո՞ւ ծայրահեղ, Եղոյանը պատասխանել է, քանի որ գյուղացուն զրկում են ապրելու հնարավորությունից, հետևաբար՝ իրենց ուրիշ քայլ չի մնում. «Գնալու ենք այն նույն ճանապարհով, ինչ արեց Նիկոլը: Նույն ձևով մենք կպատասխանենք նրան»:
Հետևեք մեզ Viber-ում
