Թալանում, քանդում էին այդ գործարանը. ստանոկները կռանով են տարել. Խ. Սուքիասյան
«Սիլ գրուպի» հիմնադիր , գործարար Խաչատուր Սուքիասյանն այսօր լրագրողների հետ զրույցում նշեց, որ այսօր բազմաթիվ դրական փոփոխություններ են եղել։
«Մինչև 1998 թվականն այնպիսի քաղաքական համակարգ է եղել, որն ունեցել եմ դրական ցանկություններ, բայց թույլ եմ տվել բավականին մեծ սխալներ: Էդ մեծ սխալներից հետո երբ որ քաղաքական համակարգը փոխվել է, լրիվ ուրիշ ճանապարհով է գնացել Հայաստանի քաղաքական համակարգը։ Եվ 2018 թվականի հեղափոխությունից հետո նոր հնարավոր դարձավ հասկանալ, որ նորից հնարավոր է, որ քաղաքական համակարգ լինի, հավասար պայմաններ լինեն, օրենքը գործի, իրավական ճանապարհով բոլոր գործողությունները լինեն»,-ասաց Խաչատուր Սուքիասյանը։
Սուքիասյանը պատմեց, որ ինքը ունեցել է զրույց Սերժ Սարգսյանի հետ, երբ ինքը «Սիրիուս» գործարանում էր աշխատում, թալանում, քանդում էին այդ գործարանը. «Ասում էր՝ այդպիսի բան չկա։ Հիմա ես ձեզ որ խնդրեմ, գան տեսնենք՝ ոնց են էդ գործարանի պատերից մարմարը քանդել տարել, ստանոկները կռանով տարել․․․»:
Հետևեք մեզ Viber-ում
