2018 թվականին մայր Հայաստանում տեղի ունեցած զարգացումները չէին կարող իրենց արտացոլումը չունենալ Արցախում ներքաղաքական իրավիճակի վրա:
«Արցախպրես»-ի թղթակցի հաղորդմամբ՝ այս մասին այսօր կայացած Արցախի ժողովրդավարական կուսակցության համագումարին ասել է կուսակցության նախագահ Աշոտ Ղուլյանը:
Նրա խոսքով՝ հայաստանյան իրադարձություններին հասարակության արձագանքը զուսպ էր ու հավասարակշռված՝ իրական փոփոխությունների հստակ ակնկալիքով, միեւնույն ժամանակ երկրի անվտանգության եւ կայունության անձեռնմխելիության գիտակցումով:
«Հասարակության նման վերաբերմունքը ամբողջապես համապատասխանում է մեր քաղաքական ուժի կողմից որդեգրված քաղաքականությանը՝ զարգացնել գործընկերային հարաբերություններ հայաստանյան իշխանությունների հետ, պայքարել համահայկական միասնության խարխլման ցանկացած գործողոթյան դեմ եւ որպես արցախյան քաղաքական ուժ առաջնորդվել զուտ արցախյան քաղաքական օրակարգով: Անշուշտ, Հայաստան-Արցախ քաղաքական խորը ինտեգրացիայի պայմաններում հայաստանյան գործընթացները լայն հնարավորություններ են ստեղծել նաեւ Արցախում ժողովրդավարական զարգացմանը նոր խթան հաղորդելու տեսանկյունից՝ ցավալիորեն նաեւ դաշտ բացելով քաղաքական շահարկումների համար»,- նշել է ԱԺԿ նախագահը:
Ա. Ղուլյանը կարծում է, որ այս իրավիճակում, որպես հիմնականում մտավորականության շերտը ներկայացնող քաղաքական միավորում, ԱԺԿ-ն պարտավոր է իր վրա վերցնել հանրությանը տարաբնույթ մանիպուլյացիաներից պաշտպանելու կարեւոր առաքելությունը՝ անընդհատ բարձրաձայնելով դրանց մասին, բացատրելով դրանց հնարավոր հետեւանքները:
«Արցախի ապագան կառուցում է արցախցին՝ իր քվեով, իր որոշմամբ, իր վստահությամբ, իր համոզմունքներով: Սա է ժողովրդավարության եւ ազատ կամարտահայտության մեր ընկալումը»,- ընդգծել է Ա. Ղուլյանը:
Սեպտեմբերի 10-ին՝ ժամը 15։30-ին, Հայելի ակումբի հյուրն է Սամվել Հակոբյանը
Սեպտեմբերի 10-ին՝ ժամը 14։30-ին, Հայելի ակումբի հյուրն է Էլյանորա Մանանդյանը
Սեպտեմբերի 9-ին՝ ժամը 16։00-ին, Հայելի ակումբի հյուրն է Խաչիկ Մանուկյանը
Սեպտեմբերի 9-ին՝ ժամը 15։00-ին, Հայելի ակումբի հյուրն է Ժասմինա Ղևոնդյանը
Սեպտեմբերի 9-ին՝ ժամը 13։00-ին, Հայելի ակումբի հյուրն է Հայկ Այվազյանը
Սեպտեմբերի 9-ին՝ ժամը 12։00-ին, Հայելի ակումբի հյուրն է Նարինե Դիլբարյանը
Սեպտեմբերի 9-ին՝ ժամը 11։00-ին, Հայելի ակումբի հյուրն է Ռուզաննա Ստեփանյանը
Սեպտեմբերի 8-ին՝ ժամը 13։00-ին, Հայելի ակումբի հյուրն է Խոսրով Հարությունյանը
Սեպտեմբերի 8-ին՝ ժամը 11։00-ին, Հայելի ակումբի հյուրն է Հայկ Նահապետյանը
Սեպտեմբերի 8-ին՝ ժամը 10։00-ին, Հայելի ակումբի հյուրն է Արմինե Ադիբեկյանը
Հետևեք մեզ Viber-ում
