Մի խելոք մարդ ասել է՝ ովքեր Նիկոլ Փաշինյանի օրոք չեն կանչվել ՀՔԾ, ամաչելու են.Աղվան Վարդանյան (video)
Անժելա Թովմասյանի՝ «Արմնյուզ» ՀԸ եթերում հեռարձակվող «Հայելու առաջ» հեղինակային հաղորդաշարի հյուրը քաղաքական գործիչ Աղվան Վարդանյանն է:
Անդրադառնալով «Վերնատուն» կառույցի ստեղծմանն ու գործունեությանը՝ Աղվան Վարդանյանն ուշադրությունը հրավիրեց այն մարդկանց վրա, ովքեր «կախվում են» այդ կառույցի անունից: Նրա խոսքով՝ այդ մարդկանց, եթե հարցնես Թումանյանի «Վերնատան» անդամներից քանիսի անունը կհիշեն, չեն կարող պատասխանել: Աղվան Վարդանյանը չի հասկանում՝ ինչու են իշխանությունն ու իր «ֆեյքերը» վայնասուն կապել այդ հավաքից հետո։
«Հավաք-քննարկմանը կար օրակարգային երեք կարևորագույն հարց: Նայե՛ք մեր բարձրացրած հարցերին և այս իշխանության օրակարգ բերած հարցերին: Չնայած պարզ է՝ ինչու էին այդպես աղմկում, որովհետև վախենում է իշխանությունը»,– ասաց նա:
Աղվան Վարդանյանը համոզված է՝ ընթանում է արժեհամակարգի ու մարդկային տեսակի կռիվ և այդ կռվում հաղթելու է հայկականությունը:
Հետևեք մեզ Viber-ում
