«Աններելի» է Հալեպում քաղաքացիական անձանց վրա կատարվող հարձակումները.Պան Գի Մուն

ՄԱԿ-ի գլխավոր քարտուղար Պան Գի Մունը քննադատել է Սիրիայի Հալեպ քաղաքի «Ալ Քուդս» հիվանդանոցի ռմբակոծումը, որի հետևանքով զոհվել են տասնյակ մարդիկ: Գլխավոր քարտուղարը «աններելի» է համարել քաղաքացիական անձանց վրա կատարվող նման հարձակումները: «Անհրաժեշտ է, որ նման հանցագործությունների հարցում հաղթանակի արդարադատությունը»,- ասված է հաղորդագրության մեջ, որն ապրիլի 28-ին տարածվել է Պան Գի Մունի անունից: Հալեպից կամավորների տրամադրած տվյալների համաձայն՝ առնվազն 27 մարդ է զոհվել «Ալ Քուդս» հիվանդանոցին հասցված ավիահարվածի հետեւանքով: «Բժիշկներ առանց սահմանների» միջազգային կազմակերպությունը հայտնել է 14 զոհվածների մասին, որոնց թվում եղել են հիվանդներ եւ բուժանձնակազմի անդամներ: Գլխավոր քարտուղարը հորդորել է Սիրիայի հակամարտող բոլոր կողմերին՝ «անհապաղ վերականգնել բախումների դադարեցման ռեժիմի պահպանումը»: