Իրանում կալանավորվել է բողոքի ակցիաների մոտ 1000 մասնակից

Իրանում կալանավորվել է բենզինի գնի թանկացման դեմ բողոքի ակցիաների մոտ 1000 մասնակից, տեղեկացնում է Mehr-ը։

«Իրանում անկարգությունների մասնակիցների թիվը կազմել է 87 հազար 400 մարդ, որոնցից 82 հազար 200-ը՝ տղամարդիկ, եւ 5200-ը՝ կանայք, որոնց մեծամասնությունը գաղափար չի ունեցել անկարգությունների էության մասին եւ եղել է միայն ընթացիկ իրադարձությունների վկան»,- նշվում է հաղորդագրության մեջ:

Ինչպես հաղորդվում է՝ հիմնական վնասը հասցվել է պետական եւ մասնավոր սեփականությանը Խուզեստանում, Թեհրանում, Ֆարսում եւ Քերմանում։