Բանակցում ենք, չենք բանակցում. Փաշինյանական նորահայտ հանելուկ
ՀՀ ԱԳՆ մամուլի խոսնակ Աննա Նաղդալյանն երեկ «Ազատություն» ռադիոկայանի հետ զրույցում ասել է, որ այս պահին կողմերը չեն բանակցում որևէ կոնկրետ փաստաթղթի շուրջ.
«Ազատություն» ռ/կ-ի հարցին, թե «Մամեդյարովն իր վերջին հայտարարությունում խաղաղ գործընթացի վերաբերյալ որոշակի օպտիմիզմ է արտահայտել, այն ժամանակ, երբ սեպտեմբերին կայացած նյույորքյան հանդիպումից հետո հիասթափություն էր հայտնել՝ ի՞նչ է փոխվել: Ադրբեջանի ԱԳ նախարարը նշել է նաև քննարկվող փաստաթղթերի մասին: Ի՞նչ փաստաթղթերի մասին է խոսքը», Աննա Նաղդալյանը պատասխանել է.
«Չէի ցանկացա մեկնաբանել Ադրբեջանի ԱԳ նախարարի ոգևորությունը, հիասթափությունը կամ օպտիմիզմը խաղաղ գործընթացի վերաբերյալ: Կարող եմ ասել միայն, որ խաղաղ գործընթացն ընթանում է առանց վայրիվերումների: Ցանկանում եմ վերահաստատել, որ այս պահին կողմերը չեն բանակցում որևէ կոնկրետ փաստաթուղթ»։
Իսկ ի՞նչ է ասում պաշտոնական Բաքուն...
Ադրբեջանի ԱԳ նախարար Էլմար Մամեդյարովը մեկնաբանել է ԼՂ հակամարտության կարգավորմանն ուղղված բանակցություններում այսօր առկա իրավիճակը: «Ընդհանուր առմամբ որոշակի առաջընթաց բանակցություններում կա, սակայն ամեն ինչ միայն խոսքի մակարդակում է: Մենք կցանկանայինք անցնել կոնկրետ հարցերի քննարկմանը»,-ասել է Մամեդյարովը:
Ադրբեջանի ԱԳ նախարարը նշել է, որ կողմերը պայմանավորվել են կոնկրետ քննարկումների անցնելու հարցի շուրջ: Մամեդյարով նաև հույս է հայտնել, որ Բրատիսլավայում Զոհրաբ Մնացականյանի հետ հանդիպմանը կկարողանան քննարկել վերոնշյալ հարցերը. «Այնտեղ պարզ կլինի՝ պատրաստ է արդյո՞ք Հայաստանը կառուցողական բանակցությունների, թե՝ ոչ, քանի որ փաստաթղթերն արդեն բանակցային սեղանին են»:
Հիմա պետք է հասկանալ, պաշտոնական Երևանն է ստում, թե՞ Բաքուն: Իհարկե, ճիշտ չէր լինի անվերապահ հավատալ պաշտոնական Բաքվի տեսակետին, որովհետև նրանք բազմիցս են ապացուցել, որ ստում են:
Բայց կա այլ հանգամանք: Փաշինյանն ու արտգործնախարար Մնացականյանը ստեղծել են նպաստավոր պայմաններ, որպեսի Բաքուն ցանկացած թեմայով հայկական կողմին մեղադրի՝ մե՛կ բանակցությունները տապալելու, մե՛կ «բանակցությունների սեղանին» առակ փաստաթղթերով չառաջնորդվելու մեջ:
Այսինքն, պաշտոնական Երևանը չպետք է թույլ տա, որ Բաքուն փաստեր աղավաղի, հակառակ դեպքում, մենք մնալու ենք պաշտպանվողի կարգավիճակում:
Մետաքսյա Շալունց
Հետևեք մեզ Viber-ում
