Պուտինն իր հանդիպումով ասաց՝ ես իմ ընկերների հետ կապ եմ պահում ոչ միայն նախագահական նստավայրում,այլ նաև բանտում. Անդրանիկ Միհրանյան (video)

Անժելա Թովմասյանի՝ «Արմնյուզ» հեռուստաընկերությամբ հեռարձակվող հեղինակային «Հայելու առաջ» հաղորդաշարի հյուրը քաղաքական մեկնաբան, վերլուծաբան Անդրանիկ Միհրանյանն է:

Հարցազրույցի ընթացքում Միհրանյանն  անդրադարձել է ՀՀ երկրորդ նախագահ Ռոբերտ Քոչարյանի գործով ընթացող դատավարությանն ու Պուտին-Քոչարյան հարաբերություններին. «2008թ․ը շրջադարձային էր և՛ Նիկոլի, և՛ Լևոն Տեր-Պետրոսյանի կյանքում։ Քոչարյանի գործով դատավարությունը քաղաքական ռևանշ է և ՀՀ ներկա իշխանությունների համար նշանակություն չունի՝ իրենք խայտառակ են լինում ամբողջ աշխարհում, թե ոչ։ Իսկ ինչ վերաբերվում է Պուտինի վերաբերմունքին Ռոբերտի նկատմամբ, պետք է ասեմ՝ ես շատ հպարտ եմ Պուտինի պահվածքից։ Պուտինն, իհարկե, չէր կարող գալ Հայաստան ու գնալ բանտում հանդիպել Քոչարյանի հետ, բայց Քոչարյանի կնոջ հետ հանդիպումը ցույց տվեց, որ Պուտինն իր ընկերների կողքին է ոչ միայն, երբ նրանք ազատության մեջ են, այլ նաև այն ժամանակ, երբ նրանք բանտում են»։

Խոսելով Նիկոլի Փաշինյանի ու ԱԳ նախարարի՝ Արցախի վերաբերյալ հայտարարությունների մասին՝ քաղաքագետը դրանք որակել է սիրողական մակարդակի։