Մենք չունենք քուչա առ քուչա, փողոց առ փողոց կիսելու հայրենիք. Նիկոլ Փաշինյան (video)
Ես այսօր տեսա, որ Վանաձորի օրվա կապակցությամբ այլ քաղաքներից բազմաթիվ մարդիկ են եկել շնորհավորելու, ինչը լավ ավանդույթի սկիզբ է: Այսօր՝ հոկտեմբերի 26-ին, շնորհավորելով Վանաձորի տոնը, հայտարարեց ՀՀ վարչապետ Նիկոլ Փաշինյանը:
«Նախևառաջ, որ մենք իրար տեսնելով, ժպտալով հնարավորություն ունենք իրարից մեր կարոտը առնելու, որովհետև վաղուց չենք հանդիպել: Հաջորդ` այսօր քաղաքում տեղի են ունենում փոփոխություններ, տեսանք, որ վերանորոգվում է Կերպարվեստի թանգարանը, «Արցախ» պուրակը, այսօր տեղի կունենա այս հրաշալի շատրվանի բացումը, Վանաձոր բերող ճանապարհները վերանորոգվում են: Այս փոփոխությունները նոր հնարավորություններ են բերելու Վանաձորին: Երևանցին նույնքան պետք է սիրի Վանաձորը, որքան՝ վանաձորցին՝ Գյումրին, գյումրեցին՝ Կապանը, կապանցին՝ Եղեգնաձորը, եղեգնաձորցին՝ Արարատը, արարատցին՝ Արմավիրը, արմավիրցին՝ Աշտարակը, աշտարակցին՝ Իջևանը, իջևանցին՝ Բերդը, բերդցին՝ Նոյեմբերյանը, նոյեմբերյանցին՝ Ալավերդին և այդպես շարունակ: Մենք չունենք քուչա առ քուչա, փողոց առ փողոց կիսելու հայրենիք: Մենք ունենք մեկ միասնական հայրենիք»,- ասաց վարչապետը:
Հետևեք մեզ Viber-ում
