Սեդրակ Առուստամյանի գործով առաջին դատական նիստի օրը հայտնի է
«Հյուսիս-հարավ ճանապարհային միջանցք» ծրագրի մշակման և իրագործման գործընթացում թույլ տրված առերևույթ չարաշահումների դեպքերի առթիվ հարուցված քրեական գործի նախաքննության ընթացքում, գործի շրջանակում ինչպես հայտնի է մեղադրանք է առաջադրվել «Մուլտի Գրուպ» կոնցեռնի տնօրեն Սեդրակ Առուստամյանին:
Առուստամյանը մեղադրվում է կեղծ ձեռնարկատիրական գործունեություն ծավալելու, հարկերից չարամտորեն խուսափելու գործընթաց կազմակերպելու և այդ գործընթացին օժանդակելու համար: Մեկ այլ մեղադրանքով ՝ փողերի լվացման համար: Մեր տեղեկություններով ՝Առուստամյանի գործն ուղարկվել է դատարան եւ վաղը տեղի կունենա դատական առաջին նիստը: Այս հապճեպությունը պայմանավորված է Գագիկ Ծառուկյանի օրերս խորհրդարանում իշխանություններին կոշտ քննադատությամբ: Փաստորեն, Հայաստանում որեւէ մեկին այլեւս իրավունք չի տրվելու կարծիք հայտնել:
Հետևեք մեզ Viber-ում
