Տավուշի մարզպետարանը գաղտնի՞ է պահում նոր որոշման մանրամասները

«Ժողովուրդ» թերթը գրում է.

«Տավուշի մարզպետ Հայկ Չոբանյանը հոկտեմբերի 18-ին որոշում է ընդունել 2019 թվականի պետական բյուջեով Տավուշի մարզպետարանի բյուջետային ծախսերի տնտեսագիտական դասակարգման «Այլ նպաստներ բյուջեից» հոդվածով նախատեսված միջոցներից 25 քաղաքացիների սոցիալական աջակցության նպատակով ընդհանուր 2 միլիոն 475 հազար դրամի չափով միանվագ դրամական օգնություն տրամադրելու մասին։

Հոկտեմբերի 18-ին Նոյեմբերյանի մշակույթի կենտրոնում ԱԺ «Իմ քայլը» խմբակցության պատգամավորներ Սիփան Փաշինյանի, Սիսակ Գաբրիելյանի, Հայկ Գեւորգյանի եւ նոյեմբերյանցիների հանդիպման ժամանակ պատգամավորներին «Ժողովուրդ» օրաթերթը հարց ուղղեց այն մասին, որ պետական կառավարման եւ ընդունված որոշումների թափանցիկության մասին քարոզող Տավուշի մարզպետ Չոբանյանը մշտապես չի հրապարակում պետական բյուջեիցիրեն եւ Տավուշի մարզպետարանի աշխատակիցներին դրամական պարգեւատրման մասին մարզպետի որոշումները, չի հայտնում, թե մարզպետարանի որ աշխատակիցները որքան գումարով են պարգեւատրվել, վերջիններս իրենց աշխատանքում ինչ ձեռքբերումներ ունեն, որ պարբերաբար պետական բյուջեից պարգեւատրվում են:

Ամբողջությամբ կարող եք կարդալ թերթի այսօրվա համարում: