Ով ունի հաշվիչ, կարա հաշվի.Նիկոլ Փաշինյանը՝ նախարարների աշխատավարձերի գաղտնի բարձրացման մասին (video)
«Անցած տարի, այսպես կոչված, պարգևատրումային սկանդալի արդյունքում արձանագրել ենք, որ որոշակի դիսպրոպորցիա կա, դրա արդյունքում ոմանցն իջել է, ոմանցը բարձրացել: Խնդիր է դրվել, որ նույն կարգավիճակի մարդիկ պետք է նույն աշխատավարձը ստանան:Պաշտոնյաները պետք է ստանան արժանապատիվ վարձատրություն: ԱԺ-ն ընդունել է բյուջե, որում պարգևատրումային ֆոնդերը նախատեսված են եղել: Մենք որևէ ուրիշ տեղից փող չենք կտրել ու բարձրացրել: Դա ֆինանսավորվել է այն հոդվածից, որն ընդունվել է»,- ԱԺ-Կառավարություն հարցուպատասխանի ժամին՝ անդրադառնալով նախարարների աշխատավարձերի բարձրացման վերաբերյալ Էդմոն Մարուքյանի հնչեցրած հարցին՝ ասել է վարչապետ Նիկոլ Փաշինյանը:
Իսկ ինչո՞ւ է գաղտնի արվել, հարցրեց Մարուքյանը. «Բավարար չափով հարցը քննարկված է եղել ու խոսել նախարարի վճարման գաղտնիության մասին, տեղին չէ, քանի որ նա ամեն տարի լրացնում է հայտարարագիր: Դա բաց է, հասանելի, ցանկացած մարդ, ով ունի հաշվիչ, կարա հաշվի: Իսկ հանձնարարականը ներքին աշխատանքային ընթացակարգային է եղել»,- ընդգծեց Փաշինյանը:
Հետևեք մեզ Viber-ում
