Պահանջում ենք գրությանը տալ համապատասխան ընթացք. բաց նամակ Ա. Միրզոյանին

ՀՀ Ազգային ժողովի նախագահ պարոն Արարատ Միրզոյանին

Հայտնում ենք, որ 2019թ. հոկտեմբերի 17-ին ԱԺ պաշտպանության և անվտանգության հարցերի մշտական հանձնաժողովի նիստում հրավիրվել է քննարկում զոհված կամ մահացած զինծառայողնների ընտանիքների՝ օրենսդրությամբ սահմանված կարգով փաստացի ամուսին, զավակ կամ ծնող լինելու փաստը հաստատած անդամների միանվագ դրամական օգնություն ստանալու իրավունքի շուրջ։ Հանձնաժողովը նախագահ Անդրանիկ Քոչարյանը հրաժարվել է քննարկմանը մասնակցելու համար անցագիր դուրս գրել ինձ՝ ՀՀ մարդու իրավունքների առաջին պաշտպան Լարիսա Ալավերդյանիս, և փաստաբան Հայկ Եգանյանին այն դեպքում, երբ մենք ոչ միայն տարիների փորձ ունենք իրավունքների պաշտպանության տվյալ ոլորտում ընդհանուր առմամբ, այլև զբաղվել ենք առանձին գործերով և տիրապետում ենք ամբողջական իրավիճակին։ Նման գործողություններում տեսնում ենք միտում, գնահատում ենք որպես լիազորությունների չարաշահում՝ նպատակ ունենալով խնդիրը միակողմանի քննարկելու, պրիմիտիվ և ձևական ֆոն հաղորդելու եղանակով դրա կարևորությունն առարկայազրկելու, և պահանջում ենք գրությանը տալ համապատասխան ընթացք։

Բարեմաղթանքներով՝ Լարիսա Ալավերդյան

ՀՀ մարդու իրավունքների առաջին պաշտպան

8 հոկտեմբերի 2019թ.