Պեսկովը մեկնաբանել է Օբամայի հայտարարությունը
ՌԴ նախագահ Վլադիմիր Պուտինի մամուլի խոսնակ Դմիտրի Պեսկովը, մեկնաբանելով ԱՄՆ նախագահ Բարաք Օբամայի հայտարարությունն այն մասին, որ ՆԱՏՕ-ն վտանգ չի ներկայացնում Ռուսաստանի համար, հայտնել է, որ դաշինքի՝ ՌԴ սահմաններին մոտենալը հակառակ երևույթի մասին է խոսում: Այս մասին հայտնում է «РИА Новости» գործակալությունը: «Ինչ վերաբերում է նրան, թե ով է ում համար վտանգ ներկայացնում, ապա այստեղ, երևի թե, չպետք է մոռանալ վերջին մի քանի տարիների ընթացքում թե՛ Բրյուսելից, թե՛ շտաբ-բնակարանից և թե՛ այդ կազմակերպության ղեկավարության, նկատի ունեմ ՆԱՏՕ-ի, անդամների կողմից հնչած հայտարարություններն այն մասին, որ հենց Ռուսաստանին են նրանք դիտարկում որպես սպառնալիք: Եվ այս հայտարարությունները չեն սահմանփակվում միայն խոսքերով, մենք տեսնում ենք նախաձեռնվող քայլեր՝ ռազմական պոտենցիալն ընդլայներլու հարցով, և այդ պոտենցիալի մոտեցումը ռուսական սահմանին: Դրա համար այստեղ բավական է միայն արձանագրել այն փաստերը, որոնք ակնհայտ են»,- լրագրողների հետ զրույցի ընթացքում հայտնել է Պեկսովը: «Նախագահը տարբեր առիթներով մեկ անգամ չէ ընդգծել, որ Ռուսաստանի ցանկությունը փոխշահավետ, բարի,կառուցողական հարաբերություններն են աշխարհի երկրների հետ: Նա դա ասում է մշտապես»,- հավելել է ՌԴ նախագահի մամուլի քարտուղարը:
Հետևեք մեզ Viber-ում
