Այն ինչ կարելի է Զևսին, չի կարելի եզին
Նիկոլ Փաշինյանը հայտարարել է, որ բյուջետային առումով ամենամեծ խնդիրը, որ մենք այսօր ունենք. կապիտալ ծախսերի իրականացումը և բյուջետային ծախսերի արդյունավետ կառավարումն է:
Ըստ Փաշինյանի `խոսքը վերաբերում է նրան, որ մենք այս և նախորդ տարի մի քանի անգամ ունեցել ենք իրավիճակներ, երբ պետությունն ունի փող, բայց դժվարություն ունի այդ փողը ծախսելու արդյունավետ գործիքակազմ կիրառելու իմաստով: «Այս տարի էլ մենք, ցավոք, ծախսային թերակատարման ռիսկի առաջ ենք կանգնած, բայց ուզում եմ ասել նաև, որ այս գործընթացը համարում եմ միանգամայն բնականոն: Ինչո՞ւ, որովհետև անցած տարի տեղի ունեցած քաղաքական փոփոխություններից հետո բյուջետային ծախսերի՝ բոլորիս հայտնի տրամաբանությունն էականորեն փոխվել է: Առնվազն Հայաստանի քաղաքական իշխանությունը, ղեկավարությունը սկզբունքային խնդիր է համարում բյուջետային ծախսերի արդյունավետ իրականացումը, կոռուպցիայի և չարաշահումների բացառումը: Եվ այս առումով մենք տեսնում ենք, որ պետք է ունենանք ինստիտուցիոնալ լուծումներ, որ գումարները ոչ միայն ծախսվեն և դառնան բյուջեի կատարողական, այլև ծախսվեն և դառնան իրականության մեջ արտահայտված, մեր քաղաքացիների կյանքի որակը, մեր երկրի տնտեսական աճի որակը և ընդհանարապես մեր երկրի տնտեսական մակարդակը փոխող քաղաքական և տնտեսական իրողություններ»,-նշել է Նիկոլ Փաշինյանը և նախապատրաստական մի շարք հանձնարարականներ տվել:
Սա հրապարակավ, իսկ ի ննչ է կատարվում իրականում: Նախօրիեն պարզ դարձավ, որ վարչապետ Նիկոլ Փաշինյանը նոր մեքենա է ձեռբերվել, որի համար շուրջ 500 հազար դոլար է վճարվել պետական բյուջեից / ավելի վատ, եթե պարզվի, որ բյուջեից չի վճարվել-խմբ/: Դրանից առաջ էլ Փաշինյանը ԱՄՆ մեկնելու համար մասնավոր ինքնաթիռ էր վարձակալել` 162 մլն դրամով: ՀՀ պատմության մեջ սա պետության ղեկավարի թերևս ամանաթանկարժեք ծառայողական մեքենան է և ամենաթանկ պաշտոնական այցը: Հանուն արդարության նշենք, որ նախկինները նման ծախսերը անել ուղղակի չէին համարաձակվի: Իսկ բոլոր ճոխ ու չհիմնավորված ծախսերը ժամանակին իրավացիորեն քննադատվել են և քննադատների շարքում առաջատարի դիրքեր է գրավել ինքը` նախկին ընդդիմադիր Նիկոլ Փաշինյանը, ինչպես նաև նրա բազմաթիվ թիմակիցները: Արի ու տես, որ նրանք այսօր շատ նորմալ են վերաբերվում, որ 30 տոկոս աղքատություն ունեցող երկրի վարչապետը երթևեկում է կես մլն դոլար արժողությամբ շքեղ մեքենայով, և դա ամբողջովին տեղավորվում է Փաշինյանի ասած բյուջետային միջոցների արդյունավետ օգտագործման, կոռուպցիայի և չարաշահումների բացառման տրամաբանության մեջ: Փաստորեն իրավիճակն այս աստիճանի է փոխվել:
Եթե երկրի վարչապետը 162 մլն-անոց թռիչք է կատարում` դա պետական միջոցների վատնում չէ, պետական անհրաժեշտություն է, կոռուպցիա էլ չկա: Բայց երբ սովորական մի հիմնարկում1 մլն դրամի չարաշահում է հայտնաբերվում, դա աններելի կոռուպցիա է` անմիջապես գործ է հարուցվում, կալանքի են վերցնում, պահանջում ետ վերադարձնել թալանածը: Թերևս այն ինչ կարելի է Զևսին, չի կարելի եզին.պետական բյուջեն վատնելու բացառիկ իրավունքն այսօր Առաջնորդինն է:
Ուռա, տավարիշչի, ուռա....
Հայկ Դավթյան
Հետևեք մեզ Viber-ում
