Էրդողանի մասին սկանդալային ոտանավոր է գրել

  Հեռուստահաղորդավար Յան Բեմերմանը, որը կասկածվում է Թուրքիայի նախագահ Ռեջեփ Էրդողանին վիրավորելու մեջ, ZDF հեռուստաալիքի եթեր կվերադառնա մայիսի 12-ին, հայտնում է RIA Nօvօsti-ն: Ինչպես Facebook-ի իր էջում հայտնել է երգիծաբանը՝ իր Neo Magazin Royalе հաղորդումը ZDFneo հեռուստաալիքով կցուցադրեն մայիսի 12-ին, իսկ մայիսի 14-ի գիշերը այն կկրկնվի ZDF-ի եթերում: Ապրիլի սկզբին Բեմերմանը ժամանակավոր արձակուրդ է վերցրել, խոստանալով «շրջագայություն կատարել Հյուսիսային Կորեայում, որպեսզի մի անգամ ևս պարզի ստեղծագործության և մամուլի ազատության հարցը»: Բեմերմանը մարտի 31-ին Neo Magazin Royalе երգիծական հաղորդման եթերում ոտանավոր է կարդացել Էրդողանի հասցեին: Այնտեղ հեղինակը Թուրքիայի նախագահին վերագրել է սեռական այլասերվածություն և հանցագործություններ ազգային փոքրամասնությունների և ընդդիմության նկատմամբ: