Չի կարող միջազգային կայունության մասին խոսք լինել, քանի դեռ ԼՂ-ում կա հակամարտության վերսկսման ռիսկ

Երեւանում կայացած մամուլի ասուլիսի ժամանակ Ֆրանսիայի եվրոպական հարցերի պետքարտուղար Արլեմ Դեզիրն ասել է, որ ստատուս քվոն ավելի անընդունելի է, քանի որ այն նպաստում է լարվածության աճին եւ հակամարտության վերսկսման սպառնալիքին և հիշեցրել, որ ապրիլյան դեպքերից անմիջապես հետո համանախագահները կոչ էին արել անհապաղ դադարեցնել ուժի գործադրումը եւ հարգել  հրադադարի ռեժիմը, որպեսզի հնարավոր լինի շարունակել բանակցությունները։ «Այն, որ Եվրոպան կարծում է, որ հակամարտությունը իրեն չի վերաբերում, ոչ մի կերպ չի համապատասխանում իրականությանը։ Դա այդպես չէ, մենք վերջին տարիներին Մերձավոր Արեւելքից փախստականների հզոր հոսք ենք տեսել։ Ոչ մի անվտանգության մասին խոսք չի կարող լինել, քանի դեռ Մերձավոր Արեւելքում հակամարտություններ են շարունակվում։ Չի կարող միջազգային կայունության մասին խոսք լինել, քանի դեռ Լեռնային Ղարաբաղում կա հակամարտության վերսկսման ռիսկ։ Այդ պատճառով Ֆրանսիան՝ որպես ՊԽ համանախագահ, ընդ որում միակ եվրոպական համանախագահ երկիրը, կգործադրի բոլոր ջանքերը խաղաղ կարգավորման համար»,- ընդգծել է Ֆրանսիայի պետքարտուղարը։