Պետրոսյանի փաստաբանը պատմել է բնակարանի համար պայքարում Ստեպանենկոյի հնարքների մասին

Հումորիստ Եվգենի Պետրոսյանն արդեն մեկ տարի է՝ չի կարողանում մուտք գործել իր բնակարան նախկին կնոջ՝ Ելենա Ստեպանենկոյի գործողությունների պատճառով։ Ավելի վաղ արտիստը հայտնել է, որ չի կարող լիարժեք աշխատել իր փաստաթղթերի նկատմամբ հասանելիություն չունենալու պատճառով։

Եվգենի Պետրոսյանի փաստաբանը՝ Սերգեյ Ժորինը, «Звезда»-ի հետ զրույցում մանրամասներ է հայտնել. «Դատական ամբողջ գործընթացի ընթացքում նա չի կարողանում մուտք գործել իր բնակարան, ուր գտնվում են նրա անձնական, աշխատանքային իրերը»։

Փաստաբանը խոսել է նաեւ հնարքների մասին, որոնց դիմել է Ստեպանենկոն բնակարանի համար պայքարում։ «Ստեպանենկոն հասանելիության պայմաններ է սահմանում, որոնք հնարավոր չեն Պետրոսյանի համար. եթե ի սկզբանե նա կտրականապես դեմ էր, հիմա օրեր է սահմանում, երբ նա Մոսկվայում չէ։ Տարբերակ կա այնտեղ գնալ անձնագրով, կանչել համապատասխան ծառայություններին եւ բացել դուռը, բայց Եվգենի Վահանովիչը խաղաղ կարգավորման հույս ունի, չի ցանկանում սրել իրավիճակը։ Հույս ունի, որ Ստեպանենկոն գթասրտություն կցուցաբերի»,- ասել է փաստաբանը։

style.news.am