Հայկ Հարությունյանը դարձավ Նիկոլ Փաշինյանի՝ Մարտի 1-ի գործով առաջին իրական զոհը

Այսօր մի շարք լրատվամիջոցների կողմից ներկայացված վարկածներից մեկի համաձայն ՀՀ նախկին որստիկանապետ Հայկ Հարությունյանի ինքնասպանությունը պատահական չի եղել: Օրինակ, ArmLur.am-ի պնդմամբ, Հայկ Հարությունյանը մահվան պահին միայնակ չի եղել: Իր զրուցակցի հետ Բջնիի առանձնատանը երկար-բարակ խոսել է իր անցած ճանապարհից, գործունեության տարիներից, այն մասին, թե ինչպես է կարողացել տարիներ շարունակ մաքուր ապրել, իր երկրում պարզ ճակատով քայլել, բայց արի ու տես, որ այսօր նրան անարգանքի սյունին են գամում, սև բիծ են քաշում կենսագրության վրա, և իրեն սպառնում են խայտառակությունը, անպատիվ վախճանը:

«Ես գեներալ մարդ եմ, էսօր ինձ խայտառակում են: Արժանապատիվ մարդ եմ, արժանապատիվ գեներալ: Հիմա իմ ողջ կյանքի արածը ջուրն է ընկնում»,- սրանք ՀՀ նախկին ոստիկանապետ Հայկ Հարությունյանի վերջին խոսքերն են: Ըստ նույն աղբյուրի տեղեկությունների՝ Հայկ Հարությունյանն իր մահվան ականատեսին գանգատվել է, թե ախր ինչպե՞ս չեն հասկանում, որ Մարտի 1-ի թեմայում Ռոբերտ Քոչարյանը, Գեղամ Պետրոսյանը ու բազում այլ մարդիկ առնչություն չունեն: «Էս ի՞նչ են անում, ինչո՞ւ են մեր նկատմամբ էսպես վարվում», ասել է նախկին բարձրաստիճան պաշտոնյան և ինքն իրեն գլխի շրջանում մահացու հրազենային վիրավորում հասցրել:

Ինչպես հայտնի է, նրան վերջին շրջանում հաճախ էին հրավիրում ՀՔԾ ցուցմունք վերցնելու, հարցաքննելու: Ամենայն հավանականությամբ նա հրաժարվել է կեղծ ցուցմունքներ տալուց, այդ իսկ պատճառով էլ նման քայլի է դիմել:

Իսկ դա նշանակում է, որ նրա մահվան քաղաքական պատասխանատուն անձամբ Նիկոլ Փաշինյանն է Սասուն Խաչատրյանի ու Արթուր Դավթյանի հետ միասին:

Եվ ոչ հեռու ապագայում, իշխանափոխությունից հետո նրանք հայտնվելու են մեղադրյալի աթոռին:

Սակայն հիմիկվանից պետք է ամեն ինչ անել, որ նրանք սպասվող ճակատագրի վախից նույն քայլի չդիմեն:

Մյուս կողմից այս հարցում կարող ենք հանգիստ և վստահ լինել, որ նրանք ունակ չեն գնալու այդ քայլին, քանզի չգիտեն, թե ինչ է իրենից ներկայացնում մարդկային արժանապատվություն հասկացությունը:

 zham.am