ԱՄՆ-ի առաջարկը Ռուսաստանին
ԱՄՆ-ը Ռուսաստանին առաջարկել է միասին շուրջօրյա հետևել Սիրիայում հրադադարի ռեժիմի պահպանմանը և ստեղծել գոտի՝ Սիրիայում ահաբեկիչների դեմ ռազմական գործողությունների իրավասությամբ: Այս մասին The New York Times-ին տված հարցազրույցում հայտնել է ԱՄՆ պետքարտուղար Ջոն Քերին: «Մենք նույնիսկ առաջարկել են անցկացնել գիծ, բացարձակ գիծ: Դուք չեք մտնի այնտեղ, իսկ մենք չենք մտնի այստեղ, իսկ այն ամենը, ինչ մեջտեղում է, համարվում է ազնիվ խաղ»,- պարզաբանել է նա: Քերին ակնկալում է այդ հարցով պայմանավորվածությունների հասնել արդեն հաջորդ շաբաթ: «Նրանք (ռուսները) դիտարկում են դա, ես մտածում եմ, որ ամեն ինչ կստացվի հաջորդ շաբաթ կամ դրան մոտ»,- ասել է նա: Ինչպես ավելի վաղ հայտարարել է ՄԱԿ-ում ՌԴ մշտական ներկայացուցիչ Ալեքսեյ Բորոդավկինը Ժնևում՝ խոսակցությունները, թե Սիրիայում հրադադարի ռեժիմը «մեռած է», անարժանահավատ են և անհիմն, ընդ որում՝ Սիրիայի բանակի պայքարը ահաբեկիչների դեմ՝ ՌԴ ռազմատիեզերական ուժերի աջակցությամբ, կշարունակվի:
Հետևեք մեզ Viber-ում
