Ով կփոխարինի Արթուր Վանեցյանին
Ինչպես հայտնել ենք,ժամեր առաջ Արթուր Վանեցյանը հայտարարել է Ազգային անվտանգության ծառայության (ԱԱԾ) տնօրենի պաշտոնից հրաժարականի դիմում ներկայացնելու որոշման մասին:
Նախագահ Արմեն Սարգսյանն էլ արդեն ստորագրել է Վանեցյանի ազատման հրամանը:
Ավելի վաղ hayeli .am-ը գրել էր,որ վերջին շրջանում վարչապետ Նիկոլ Փաշինյանը ԱԱԾ-ի աշխատանքից շատ դժգոհ է.մասնավորապես վարչապետը ինֆորմացիա է ստացել,որ Վանեցյանը Մոսկվա վերջին այցերի ժամանակ ունեցել է իր հետ չհամաձանեցված մի շարք կարևոր հանդիպումներ:Բացի այդ , Նիկոլ Փաշինյանի զայրույթը մեծացել է հատկապես Ռոբերտ Քոչարյանի գործով ՍԴ-ի կայացրած որոշումից հետո .նա իր մոտ է կանչել ԱԱԾ տնօրեն Արթուր Վանեցյանին և պարտադրել ազատման դիմում գրել,ասել է,որ եթե ժամանակին Վանեցյանը իր լծակները լավ աշխատեցներ ՍԴ ներկայացուցիչների և նրանց ընտանիքների մասին լուրջ կոմպրոմատներ հավաքեր,ապա ՍԴ-ն նման որոշում չէր կայացնի:Նա հակադրվել է Փաշինյանին,ասելով,որ դա հարցի լուծման ճանապարհ չէր կարող դառնալ:ՍԴ-ից բացի այլ պահանջներ ևս դրել է Վանեցյանի առաջ.ընդհանուր առմամբ Վանեցյանի աշխատանքից դժգոհ է եղել:
Մեր տեղեկություններով՝Վանեցյանին այդ պաշտոնում կփոխարինի Նիկոլ Փաշինյանի խորհրդական նշանակված Արշակ Կարապետյանը, նույն ինքը 2016թ-ի ապրիլին պաշտոնից հեռացված ԶՈՒ գլխավոր շտաբի հետախուզության վարչության նախկին պետ, գեներալ-մայորը, ում անվան հետ էր կապվում ապրիլյան պատերազմի ժամանակ հետախուզության կողմից թույլ տրված խոշորագույն բացթողումները, որոնք հանգեցրին հայկական կողմի մեծաքանակ զոհերի։
Արշակ Կարապետյանը ,հիշեցնենք,Քոչարյանի դեմ ցուցմունք տված պաշտոնյան է ,ով հետագայում նշանակվեց վարչապետի խորհրդական:
Մամուլում տեղեկություններ կան,որ ցանկալի թեկնածուն ՊՆ նախկին նախարար Վաղարշակ Հարությունյանն է: Հիշեցնենք, որ վերջերս ՀՀ նախագահ Արմեն Սարգսյանի հրամանագրով պաշտպանության նախկին նախարար Վաղարշակ Հարությունյանին վերադարձվել է գեներալ-լեյտենանտի զինվորական կոչումը։
Հետևեք մեզ Viber-ում
