Խոշոր ու շղթայական ավտովթար Երևանում. բախվել է 5 ավտոմեքենա

Այսօր՝ ապրիլի 22-ին, խոշոր ավտովթար է տեղի ունեցել Երևանում: Ժամը 18:20-ի սահմաններում Խանջյան-Հերացի փողոցներն իրար կապող թունելում՝ Շախմատի տան դիմաց, բախվել են Չարենցավան քաղաքի բնակիչ, 43-ամյա Մնացական Դավթյանի վարած Opel մակնիշի 35 TS 023 համարանիշի, Երևանի բնակիչ, 25-ամյա Արշակ Խաչատրյանի վարած Mazda մակնիշի 34 NN 209 համարանիշի, Մածամոր քաղաքի բնակիչ, 35-ամյա Կարեն Բաղդասարյանի վարած Mercedes մակնիշի 10 QL 099 համարանիշի, Վարդենիս քաղաքի բնակիչ, 38-ամյա Գևորգ Գապոյանի վարած Opel մակնիշի 37 ՕԼ 641 համարանիշի և Երևան քաղաքի բնակիչ, 49-ամյա Անդրանիկ Քոչարյանի վարած Suzuki մակնիշի 34 MC 898 համարանիշի ավտոմեքենաները: Ինչպես հայտնում է ֆոտոլրագրող Գագիկ Շամշյանը, վթարի հետևանքով Mercedes -ի ուղևորին, Գ.Գապոյանի վարած Opel մակնիշի ավտոմեքենայի ուղևորին և Suzuki -ի վարորդին տեղափոխել են թիվ 1 համալսարանական կլինիկական հիվանդանոց: Դեպքի վայր են ժամանել Ճանապարհային ոստիկանության 1-ին սպայական գումարտակի սպայական ջոկի ծառայողները՝ Հայաստանի քննչական կոմիտեի Երևանի քննչական վարչության հատկապես կարևոր գործերով ավագ քննիչ Արմեն Ճանճապանյանի գլխավորությամբ, ում կողմից փաստի առթիվ նյութեր են նախապատրաստվում: Բոլոր ավտոմեքենաները քննիչի հանձնարարականով տեղափոխվեցին Երևանի ՃՈ պահպանվող հատուկ տարածք: Ոստիկանությունն ու քննչական բաժինը պարզում են վիրավորների ինքնությունը: Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով: