Լավրովը Երևանում պետք է բացատրություն տա
Արտաքին գործերի նախարարի տեղակալ Շավարշ Քոչարյանը լրագրողների հետ զրույցում հայտարարել է, որ Լավրովի երևանյան այցը պատասխաններ ստանալու համար չէ: Անդրադառնալով ռուսական «Известия» պարբերականի հրապարակած այն տեղեկությանը, թե սեղանին փատաթուղթ կա դրված, Շավարշ Քոչարյանը նշել է, որ ռուսական լրատվամիջոցների մի մասը տպագրում է որոշ պնդումներ, որոնք չեն համապատասխանում իրականությանը: «Պետք է առաջնորդվել ոչ թե, այսպես ասած, լրատվամիջոցներով, այլ՝ պաշտոնական հայտարարություններով, հաղորդագրություններով»,- ասել է Քոչարյանը և ավելացրել, որ ԼՂՀ բանակցությունների առումով Հայաստանի պաշտոնական դիրքորոշումը չի փոխվել: Ավելին՝ ըստ Քոչարյանի՝ ներկա իրավիճակում անհնարին է հաշվի չառնել Ադրբեջանի ագրեսիան, որն այդ պետությունն իրականացրեց՝ խախելով արդեն երեք համաձայնագրերը: «Աապագա բանակցային գործընթացը պետք է ելնի երկու հանգամանքից: Առաջինը՝ պետք է երաշխավորված լինի կրակի դադարեցումը, որովհետև երբ կրակում են, անհնարին է բանակցել: Այսինքն՝ զինադադարը պետք է պահպանվի: Հաջորդը՝ պետք հաշվի առնել, որ գործ ունենք մի սուբյեկտի հետ, որը, ի հակառակ իր իսկ միազգային պարտավորության (իսկ եռակողմ համաձայնագրերը միջազգային պարտավորություններ են), կարող է խախտել: Հետևաբար՝ ապագայում էլ ցանկացած փուլում նա կարող է հետ կանգնել իր իսկ ստորագրությունից: Այդ տեսակետից այդ բոլորը պետք է հստակ հաշվի առնել, երբ խոսքը վերաբերում է կարգավորման գործընթացին»,- ասել է Շավարշ Քոչարյանը: ԱԳ փեխնախարարն ասել է նաև, որ այն ինչ առաջարկել են համանախագահները, հայկական կողմի երազանքը չի եղել, բայց հիմքում ընկած են փոխզիջումային տարբերակներ: «Կա հետաձգված հանրաքվեի գաղափարը: Իհարկե, տարօրինակ էր, երբ արդեն եղել է հանրաքվե, ու Լեռնային Ղարաբաղի ժողովուրդը, լիովին համապատասխան և միջազգային իրավունքի, և այն ժամանակ գործող Խորհրդային Միության Սահմանադրությանը, օրենքներին, կազմակերպել է հանրաքվեն, իր կամարտահայտությունը հստակ արտահայտել է: Ո՞րն էր հետաձգված հանրաքվեի իմաստը: Ըստ միջնորդների՝ դա ուղղված է նրան, որ, այդպես ասած, Բաքվի իշխանությունները կարողանան փրկել իրենց դեմքը և ժամանակ ունենան իրենց ժողովրդին դրա անհրաժեշտությունը մատուցել»,- հայտարարել է Քոչարյանը: Քոչարյանի պարզաբանումից կարծես հետևում է այն իրողությունը, որ շրջանառվող տարբերակների մեջ հաճախակի շեշտադրվող՝ ԼՂՀ-ում անցկացվելիք հանրաքվեն Հայաստանի և Արցախի փոխզիջումն է: Ներողություն, իսկ ի՞նչ է այդ դեպքում տարածքների վերադարձը՝ միակողմանի զիջու՞մ: Ընդհանարապես անհասկանալի է՝ թե ի՞նչ էզիջում Ադրբեջանը: Եթե մենք ասյօր ունենք մի իրավիճակ, երբ Ադրբեջանը խախտում է հրադադարի պայմանագիրը, ի՞նչ երաշխիք ունենք, որ նույն բանը տեղի չի ուենենա, եթե հայկական կողմը տարածքների մի մասը վերադարձնի՝ ընդունենք անգամ Ադրբեջանի ու ՄԱԿ-ի կողմից ԼՂՀ անկախության դիմաց: Հայաստանի հանրապետությունն այսօր միջազգայնորեն ճանաչված պետություն է, բայց դա չի խանգարում Ադրբեջանին՝ կրակել ՀՀ Տավուշի մարզի գյուղերի վրա, դիվերսիոն հարձակումներ իրագործել ՀՀ տարածքում և սպանել խաղաղ բնակիչների: Ուստի ԼՂՀ կարգավիճակի հարցը, որը հրապարակում եղեծ պնդումների, հայկական կողմի ամենակարևոր պահանջն է, անգամ իրագործվելու դեպքում չի կարող երաշխավերել Արցախի և Հայաստանի բնակչության անվտանգությունը: Սա շատ կարևոր նորմ է, որը պետք է բանակցային գործընթացում, իբրև խնդրի կարգավորման սկզբունք: Մինսկի խումբը պարտավոր է վերագնահատել անցած ողջ ժամանակհատվածը, վերլուծել կողմերի վարքագիծը և դրանից ելնելով որդեգրել նոր՝ կոնֆլիկտի կարգավորմանը նպաստող իրական սկզբունքներ՝ գերակայությունը տալով խաղաղության պահպանմանը: Այս տեսանկյունից ՌԴ ԱԳ նախարարը Երևանում Հայաստանի իշախանություններից ոչ թե պատասխաններ պիտի ստանա, այլ ստիպված պիտի լինի հարցեր լսել ու պարզաբանումներ տալ: Դավիթ Մանուկյան
Հետևեք մեզ Viber-ում
