Երևանում թալանել են ՀՀ պաշտպանության նախարարի աշխատակազմի ընդհանուր բաժնի պետի Porsche Cayenne-ը

SHAMSHYAN.com-ի տեղեկություններով՝ ոստիկանության Նոր նորքի բաժնի հետաքննչական բաժանմունքում նյութեր են նախապատրաստվում երեկ՝ օգոստոսի 23-ին, Երևանում տեղի ունեցած գողության փաստով։ Ինչպես հայտնում է ֆոտոլրագրող Գագիկ Շամշյանը, ոստիկանության Նոր Նորքի բաժին է դիմել Երևան քաղաքի Նոր Նորք վարչական շրջանի բնակիչ՝ 37-ամյա Արամ Ղ-ն և հայտնել, որ օգոստոսի 22-ին, ժամը 22։30-ից մինչև օգոստոսի 23-ի ժամը 09։10-ն ընկած ժամանակահատվածում անհայտ անձը կամ անձինք տեխնիկական միջոցների գործադրմամբ իրենց շենքի բակում կայանված իրեն պատկանող Porsche Cayenne մակնիշի 13 PN 003 համարանիշի ավտոմեքենայի առջևի լուսարձակները գողացել են։ Գ. Շամշյանի տեղեկություններով՝ Արամ Ղ-ն աշխատում է ՀՀ ՊՆ նախարարի աշխատակազմի ընդհանուր բաժնի պետ։