Ռուսաստանն ակտիվորեն նախապատրաստվում է այդ խոշոր միջազգային միջոցառմանը. Պուտին

Կրեմլի Մեծ պալատի Ալեքսանդրյան սրահում օտարերկրյա դեսպաններին հավաստագրերի հանձնմանը Ռուսաստանի նախագահ Վլադիմիր Պուտինն ընդգծել է, որ միջազգային բարդ հակամարտությունները պետք է լուծվեն պետությունների խմբերի կողմից,- հայտնում է life.ru-ն: «Սիրիական իրավիճակը ևս մեկ անգամ հաստատեց, որ միջազգային հանրությունը կարող է արդյունքների հասնել՝ իրար հետ խորհրդակցելով, հենվելով միջազգային իրավունքի վրա», - ասել է ռուսաստանյան առաջնորդը: Դեսպաններին դիմելով՝ ՌԴ նախագահը նաև վստահություն է հայտնել առ այն, որ նրանց աշխատանքը կվերաբերի նաև Ռուսաստան-АСЕАН գագաթնաժողովին: «Չեմ կասկածում, որ ձեր ղեկավարած առաքելությունների ուշադրության կիզակետում կլինի նաև մայիսին Սոչիում տեղի ունենալիք Ռուսաստան-АСЕАН գագաթնաժողովը», - ասել է Պուտինը: Նրա խոսքով` Ռուսաստանն ակտիվորեն նախապատրաստվում է այդ խոշոր միջազգային միջոցառմանը, որը հնարավորություն կտա ամփոփել Ռուսաստանի և Հարավ-Արևելյան Ասիայի պետությունների 20-ամյա արդյունավետ համագործակցության արդյունքները: