Արաբիայում կանանց թույլ են տվել երեկոյան աշխատել ռեստորաններում

Ինչպես տեղեկացնում է РИА Новости գործակալությունը,  աշխատանքի հարցերով նախարարության ներկայացուցիչ Աբդել Մանամ աշ-Շախրին հայտարարել է,որ  Սաուդյան Արաբիայում կանանց թույլ են տվել երեկոյան ժամերին աշխատել ընտանեկան այցելության ռեստորաններում, ինչպես նաև կանացի իրերի խանութներում ու ընտանեկան ժամանցային կենտրոններում: «Որոշակի գործունեությամբ զբաղվելու արգելքը չի նշանակում, որ իշխանությունները կանանց թույլ չեն տալիս աշխատել կամ զբաղմունք ունենալ։Նախարարությունը ցանկանում է կանանց համար աշխատանքի այնպիսի պայմաններ ստեղծել, որոնք համահունչ կլինեն կանանց էությանն ու, միևնույն ժամանակ, նրանց իրավունքները պաշտպանված կլինեն»,-պարզաբանել է աշ-Շախրին։ Նախարարության ներկայացուցիչը նշել է, որ գերատեսչությունը կանանց թույլ չի տալիս աշխատել 21 մասնագիտություններով՝ ելնելով անվտանգության և նրանց առողջությունը պահպանելու նկատառումներից։