Հայաստանում ԸՕ-ի շուրջ կոնսենսուսի ապահովումը նաև ընդդիմությունից է կապված. Թյորբորն Յագլանդ
Եվրոպայի խորհրդի գլխավոր քարտուղար Թյորբորն Յագլանդը կարևորում է Հայաստանում Ընտրական օրենսգրքի շուրջ կոնսենսուսի ձևավորումը.«Այն կախված է նաև ընդդիմությունից».կարծում է նա::Պատասխանելով ԱԺ ՀԱԿ խմբակցության ղեկավար, ԵԽ ԽՎ հայաստանյան պատվիրակության անդամ Լևոն Զուրաբյանի հարցին, ԵԽ գլխավոր քարտուղարն ընդգծել է, որ միշտ այն տեսակետին է եղել, որ խիստ կարևոր է կոնսենսուսի գալ այնպիսի հիմնանար խնդիրների շուրջ, ինչպիսին է Ընտրական օրենսգիրքը։ «Իհարկե, մենք հորդորել ենք Հայաստանի կառավարությանը հասնել այդպիսի կոնսենսուսի, սակայն դա կախված է նաև ընդդիմությունից։ Մենք ասել ենք, որ պատրաստ ենք աջակցելու երկու կողմերին այդ գործում, որպեսզի կառավարությունը՝ մեծամասնությունը, և ընդդիմությունը իշխանության համար արդար մրցելու հնարավորություններ ունենան:Մեր սկզբունքային դիրքորոշումը միշտ եղել է այն, որ այնպիսի հիմնարար հարցերը, ինչպիսիք են Սահմանադրությունը և Ընտրական օրենսգիրքը, պետք է հիմնված լինեն կոնսենսուսի վրա, որում ներգրավված պետք է լինեն բոլոր կուսակցությունները և քաղաքացիական հասարակությունը»,– ասել է Յագլանդը:
Հետևեք մեզ Viber-ում
