Թուրքիան Ռուսաստանին խնդրում է
ՄԱԿ-ում Թուրքիայի մշտական ներկայացուցիչ Հալիթ Չևիկը երեքշաբթի Սիրիայի իշխանություններին մեղադրել է երկրում քիմիական զենք օգտագործելու մեջ և Ռուսաստանին կոչ արել Դամասկոսի վրա ազդել դրա օգտագործումը դադարեցնելու համար, հայտնում է RIA Novosti-ն: «Թուրքիան լիովին պահպանում է քիմիական զենքի վերաբերյալ միջազգային իրավունքի իր պարտավորությունները: Միաժամանակ սիրիական ռեժիմը ուղղակի և անուղղակի պատասխանատվություն է կրում Սիրիայում քիմիական զենքի օգտագործման մեջ»,- ասված է Չևիկի նամակում: «Մենք սպասում ենք, որ Ռուսաստանի Դաշնությունը կօգտագործի իր ազդեցությունը ռեժիմի վրա, որպեսզի նրան ստիպի հարգել միջազգային իրավունքի նորմերը, պահպանել ԱԽ համապատասխան բանաձևերը, կատարել քիմիական զենքի արգելման մասին իր վրա ընկած Կոնվենցիայի պարտավորությունները և լիովին համագործակցել Քիմիական զենքի արգելման կազմակերպության հետ»,- նշված է փաստաթղթում:
Հետևեք մեզ Viber-ում
