Պատկերացրեք՝ տղա երեխան մտածի, որ ինքը գեյ է ու գնա փորձի, հետո պարզվի, որ գեյ չէ. Զոհրաբյան (video)
Փաստաբանների պալատի նախագահ Արա Զոհրաբյանն այսօր խոսելով սեռական շեղումներ ունեցող անձանց մասին, մտավախություն հայտնեց, որ կարող են լինել դեպքեր, երբ տղան սխալմունքի մեջ ընկնի, ինչն էլ շատ ավելի վատ կանդրադառնա հետագայում կյանքի վրա:
Զոհրաբյանը նշեց, որ իրենց ամենամեծ մտահոգությունը վերաբերում է երեխաներին. «Չափահաս մարդն իրավունք ունի անել այն, ինչ ուզում է: Բայց եթե փոքր տարիքից սովորեցնենք երեխաներին, պատկերացրեք, թե ինչ կլինի: Բոլորս էլ դեռահաս եղել ենք: Պահեր են լինում, երբ դու ինքդ էլ չգիտես, թե ով ես: Ընտանիքիդ անդամների հետ կռվում ես, գերլարված ես և այլն: Պատկերացրեք, որ այդ պահին տղա երեխան մտածի, որ ինքը գեյ է ու գնա փորձի, հետո պարզվի, որ գեյ չէ: Այդ հոգեբանական տրավման կմնա ամբողջ կյանքում: Մենք ասում ենք, որ պետք է հեռու մնալ երեխաներից: Թող դառնան 18 տարեկան ու որոշեն: Չափահաս դառնալուց հետո թող որոշեն: Մյուս հարցը վերաբերում է երեխաների որդեգրմանը: Բնական է, որ միասեռականներ կողմից որդեգրված երեխան կարող է այլ կերպ մտածել»:
Հետևեք մեզ Viber-ում
