Երկու տղամարդ փորձել են «ականապատել» Պուտինի ավտոշարասյան ճանապարհը
ՌԴ Եկատերինբուրգ քաղաքում երկու տղամարդու փորձել են կեղծ պայթուցիկներ տեղադրել ճանապարհին, որով անցնում էր նախագահ Վլադիմիր Պուտինի ավտոշարասյունը, տեղեկացնում РИА Новости-ն:Նրանք ձերբակալվել են:
Ավելի վաղ հաղորդվել էր, որ հուլիսի 9-ին՝ Պուտինի այցի օրը, երկու տղամարդ կոշիկի տուփի մեջ կպչուն ժապավենով և մալուխով փաթաթված շշեր և քարեր են տեղադրել և այն դրել «Կոլցովո» օդանավակայան տանող ճանապարհին, ուր ուղևորվում էր նախագահը:
ՆԳՆ ներկայացուցիչները պարզել են այդ ամենի նախաձեռնողներից երկուսի ինքնությունն ու ձերբակալել նրանց: Նրանք տեղի քաղաքացիներ են, որոնք նախկինում դատապարտված են եղել:
Ոստիկանության վարկածով՝ այդ քայլով նրանք փորձել են պատժել քննիչներին և ոստիկաններին, որոնք բազմիցս քրեական պատասխանատվության են ենթարկել իրենց:
Հետևեք մեզ Viber-ում
