Իրանի հատուկ ծառայություններն ահաբեկչի են ձերբակալել
Իրանի հատուկ ծառայությունները երկրի արևմուտքում գրոհայինի են ձերբակալել, ով պատրաստվում էր ահաբեկչություն իրականացնել Իսլամական Հանրապետության տարածքում: Այդ մասին կիրակի օրը Թեհրանում կայացած մամուլի ասուլիսի ժամանակ հայտարարել է հետախուզության գործերով նախարար Այաթոլահ Մահմուդ Ալավին, գրում է ТАСС-ը: «Իրանում ահաբեկչական հարձակում գործելու նպատակով ժամանած ահաբեկիչը ձերբակալվել է հատուկ ծառայությունների կողմից երկրի արևմուտքում: Ձերբակալվածի խոստովանության համաձայն՝ նա հանձնարարություն է ստացել ահաբեկչական խմբավորումների ղեկավարներից պայթյուն իրականացնել Իրանի Իսլամական Հանրապետության տարածքում»,- ասել է Ալավին: Այաթոլահի խոսքերով՝ ահաբեկչի ձերբակալության գործողությունը հաջողվել է իրականացնել քաղաքացիական բնակչության զգոնության և ակտիվ մասնակցության շնորհիվ: Նա նաև ընդգծել է, որ «չեզոքացնելով ահաբեկչությունը՝ իրանական անվտանգության ծառայություններին հաջողվել է տապալել տարածաշրջանի որոշ երկրների պլաններն՝ Իրանի անվտանգությունը խախտելու»:
Հետևեք մեզ Viber-ում
