Արտակարգ դեպք Երևանում․ դանակի 14 հարված ստացած 26-ամյա երիտասարդը «Երևան սիթի»-ի դիմացից տեղափոխվել է հիվանդանոց. մանրամասներ

SHAMSHYAN.com-ի տեղեկություններով՝ Ոստիկանության Կենտրոնական բաժնի հետաքննչական բաժանմունքում նյութեր են նախապատրաստվում երեկ հուլիսի 4-ին Երևանում տեղի ունացած դանակահարության փաստով։

Ինչպես հայտնում է ֆոտոլրագրող Գագիկ Շամշյանը, ժամը 23։25-ի սահմաններում թիվ 1 Համալսարանական հիվանդանոցից Ոստիկանության կենտրոնական բաժին ահազանգ է ստացվել, որ «մարմնի տարբեր մասերի ծակած վերք, հեմորագիտ շոկ» ախտորոշմամբ Երևանի 1-03 շտապօգնության բժիշկների 01 խումբը «Երևան սիթի»-ի մոտից իրենց մոտ է տեղափոխել մի քաղաքացու։ Հիվանդանոց են մեկնել Ոստիկանության կենտրոնական բաժնի օպերատիվ խումբը հետաքննչական բաժանմունքի հետաքննիչի գլխավորությամբ։ Հիվանդանոցում բժիշկները ոստիկաններին հայտնել են, որ վիրավորը ի վիճիակի չէ կատարվածի մասին բացատրություններ տալու։ Ոստիկանները պարզել են, որ վիրավորը Երևանի բնակիչ 26-ամյա Ղուկաս Անդրեասյանն է։ Մինչ բժիշկները պայքարում են վիրավորի կյանքի համար, քրեական հետախուզության բաժանմունքի ծառայողները պարզել են, որ վիճաբանությունը տեղի է ունեցել Ֆիրդուսի փողոցում, և նրան դանակի 14 հարված հասցնելու համար որոնվում է Արագածոտնի մարզի բնակիչ 26-ամյա Սենիկ Հարթենյանը։ Ոստիկանությունը ձեռնարկում է անհրաժեշտ օպերատիվ-հետախուզական միջոցառումներ Ս․ Հարթենյանին և հանցագործության գործիքը հայտնաբերելու ուղղությամբ։