Կոյուղաջրերով լցված Սևանի ջուրը պիտանի է խմելու համար. Էրիկ Գրիգորյան (video)
Գեղարքունիքի մարզի բոլոր կեղտաջրերն ու կոյուղաջրերը լցվում են Սևան, իսկ մաքրման երեք կայանները միայն մաքրման մեխանիկական աշխատանք են կատարում: Այդ մասին այսօր՝ հուլիսի 4-ին, կառավարության նիստից հետո լրագրողների հետ ճեպազրույցում ասաց Շրջակա միջավայրի նախարար Էրիկ Գրիգորյանը:
«Սակայն նույնիսկ այս վիճակում Սեւանա լճի ջուրը պիտանի է խմելու համար»,- ասաց նախարարը:
Դիտարկմանը, թե Սևան ազգային պարկի տնօրենը Սևանա լճից ջուր խմեց և հայտնվեց հիվանդանոցում, նախարարն ասաց. «Ինֆորմացիոն հոսքերով միգուցե այդպես էր, բայց չեմ կարող ասել, կարծում եմ՝ չի հայտնվել»:
Հետևեք մեզ Viber-ում
