Եվրախորհրդարանի վարորդների մոտ ԻՊ-ի քարոզչությամբ սկավառակներ են հայտնաբերվել

Մասնավոր ընկերության երկու վարորդի մոտ, որոնք Եվրախորհրդարանին էին սպասարկում, «Իսլամական պետություն» ահաբեկչական կազմակերպության քարոզչական նյութերով կոմպակտ սկավառակներ են հայտնաբերվել: Այս մասին հայտնում է Reuters-ը` վկայակոչելով Spiegel-ին: Պարբերականի մի քանի անանուն աղբյուրի տվյալներով, երկու վարորդն էլ հեռացվել են աշխատանքից եւ ներկայումս Բելգիայի ոստիկանությունը նրանց նկատմամբ հետաքննություն է անցկացնում: Վարորդներից մեկն աշխատել է Բրյուսելում, մյուսը` Ստրասբուրգում: Եվրախորհրդարանում անվտանգության նկատառումներից ելնելով` հրաժարվել են մեկնաբանել տեղի ունեցածը, նշում է   Gazeta-ն: Եվրախորհրդարանը որոշել է այլեւս մասնավոր ընկերությունների աշխատակիցների աշխատանքի չվերցնել, այլ միայն նրանց, որոնք աշխատանքի են ընդունվել օրենսդրական իշխանության միջոցով: Այդ պատճառով ծախսերի արժեքը ավելացրել է  3,7 մլն եվրոյով: