Վերահսկելու է ռուսական կողմը

РИА Новости-ի հաղորդմամբ` սևծովյան նավատորմի ուժերն սկսել են հետևել ամերիկյան «Քարնի» ականակիր նավին, երբ այն մտել է Սև ծովի ջրային տարածք: Այն մասնակցելու է Sea Breeze 2019 ռազմածովային զորավարժություններին, որոնք մեկնարկելու են հուլիսի 1-ին: Տեղի Պաշտպանության կառավարման ազգային կենտրոնը տեղեկացրել է, որ ռազմանավի գործողությունները վերահսկելու է ռուսական «Սմետլիվի» հերթապահ նավը, ինչպես նաև էլեկտրոնային և տեխնիկական միջոցները:

«Մոնտրյոյի միջազգային կոնվենցիայի համաձայն, որը կարգավորում է թուրքական նեղուցներով անցումը ոչ սևծովյան պետությունների ռազմանավերի համար, Սև ծովում ամերիկյան ականակրի գտնվելու ժամանակը չպետք է գերազանցի 21 օրը»,- ասվում է կենտրոնի հաղորդագրության մեջ: