Նիկոլ Փաշինյանը կասկածելի տվյալներ է ներկայացրել

Վիճակագրական կոմիտեն հրապարակել է մայիս ամսվա հիմնական տնտեսական ցուցանիշները, համաձայն որի` մայիսին արձանագրվել է 7.3 տոկոս տնտեսական ակտիվություն: Այս տարվա մայիսին նախորդ տարվա մայիսի նկատմամբ ունեցել ենք արտահանման 15 տոկոսանոց աճ, իսկ հունվար-մայիսը՝ նախորդ տարվա հունվար-մայիսի նկատմամբ 0.1 տոկոսանոց աճ: Այս ցուցանիշները կառավարության նիստում ներկայցրել է վարչապետ Նիկոլ Փաշինյանը` նշելով, որ այս տարի արտահանման հետ կապված պրոբլեմները հաղթահարել ենք:
Սա, իհարկե չափազանցված գնահատկան է, այն պարզ պատճառով, որ անցյալ տարվա մայիսին Հայաստանում հեղափոխական տրամադրություններ էին և տնտեսական պրոցեսները հետընթաց էին ապրում: Այս իմաստով այս տարվա մայիսի ցուցանիշները անցյալ տարվա մայիսի հետ համեմատելը չի կարող հուսադրող կամ ախտորոշիչ դիտվել: Շատ ավելի ճիշտ կլիներ, եթե այս տարվա ցուցանիշները համեմատվեին երկու տարի առաջվա ցուցանիշներիր հետ : Բայց անգամ նախորդ տարվա ցուցանիշների հետ համեմատելու դեպքում` Նիկոլ Փաշինյանի ներկայացրած տվյալներն մեղմ ասած կասկածելի են, որովհետև Ազգային վիճակագրական ծառայության (ԱՎԾ) հրապարակած տվյալները ճիշտ հակառակն են փաստում` արտահանումն ու ներմուծումը նվազել են: Հունվար մայիս ամիսների տվյալներով նախորդ տարվա նույն ժամանակահատվածի համեմատությամբ վարչապետի ասած 0,1 տոկոս աճն իրականում չկա` գոյություն չունի, կա նվազում:
Ըստ ԱՎԾ տվյալների `2019 թ. հունվար-մայիս ամիսներին Հայաստանի և այլ երկրների միջև արտաքին առևտրաշրջանառության ծավալը կազմել է 2,85 մլրդ ԱՄՆ դոլար։ 2018թ. նույն ժամանակահատվածի համեմատ ցուցանիշը նվազել է 2.6%-ով: Հաշվետու ամիսներին, նախորդ տարվա նույն ժամանակահատվածի համեմատ, նվազել է ինչպես արտահանումը, այնպես էլ ներմուծումը: Արտահանման ոլորտում հունվար մայիս ամիսների ընթացքում նվազումը կազմել է 0.9%, իսկ ներմուծման ոլորտում՝ 3.4%։
Ըստ ներկայացված տվյալների՝ հաշվետու ամիսներին այլ երկրների հետ առևտրային հարաբերություններում ներմուծումը գերազանցել է արտահանմանը 929.5 մլն ԱՄՆ դոլարով:
Այսպես, 2019թ. հունվար-մայիս ամիսներին Հայաստանն արտահանել է 960.8 մլն ԱՄՆ դոլարի արտադրանք և այլ երկրներից ներմուծել 1,89 մլրդ ԱՄՆ դոլարի արտադրանք:
<<Եթե հիշենք, անցյալ տարի մենք սեպտեմբերին ԱԺ-ում քննարկումների ժամանակ ի՞նչ էինք ասում. մենք ասում էինք, որ տնտեսության կառուցվածքում տեղի է ունենում փոփոխություն, որ տեխնոլոգիատար ոլորտները պետք է ավելի մեծ աճ արձանագրեն, որ արտահանումը պետք է դառնա մեր տնտեսության շարժիչ ուժը: Սրանք ընդամենը նախանշաններ են, բայց շատ կարևոր նախանշաններ, որ տնտեսությունը, գործարար համայնքը կառավարության այս քաղաքական մեսիջներն ընկալել են>>,- կառավարության նիստում ասել է վարչապետ Փաշինյանը ` մատնանշելով տնտեսության կառուցվածքում տեղի ունեցած փոփոխությունները: Նախորդ տարվա խոստումներից մի կարևոր հիշեցում վարչապետին ու կառավրությանը.
Ֆինանսների նախարարությունը արտահանման վրա հիմնված տնտեսական աճի նպատակադրման տեսնակյունից խնդիր էր դրել ձևավորել այնպիսի հարկային համակարգ, որը պետք է վերացներ արտահանման, ներմուծման արգելքները, մենաշնորհները, ինչպես նաև
2019-ին և հաջորդող տարիներին ապրանքների և ծառայությունների արտահանումը գերազանցելու էր ՀՆԱ-ի 45%-ը:
Վարչապետին առաջարկում ենք` կառավարության հաջորդ նիստում ներկայացնել, թե արտահանումը ՀՆԱ-ի քանի տոկոսն է կազմում, որովհետև առանց դրա հնարավոր չէ եզրակացնել` մեր տնտեսությունը միտված է դեպի արտահանում, թե հակառակը:

Հայկ Դավթյան