Անձամբ ես կփոխհատուցեմ 10% էլ ավելին. Հ. Ալումյանը՝ Փաշինյանի կողմից Քոչարյանից 650,000 դրամ պահանջելու մասին (video)
Իմ կարծիքով` դատարանը չպետք է 650 հազար դրամը բռնագանձի, որովհետև գումարի չափը կախված է գործի բարդությունից, տեղի ունեցած նիստերի քանակից և այլն: Սա այն բարդության գործը չէ, որ այդքան գումար բռնագանձվի: Այս մասին այսօր լրագրողների հետ հանդիպմանը հայտարարեց ՀՀ երկրորդ նախագահ Ռոբերտ Քոչարյանի պաշտպան Հայկ Ալումյանը՝ անդրադառնալով ՀՀ վարչապետ Նիկոլ Փաշինյանի այն պահանջին, որ դատարանը պարտավորեցնի Քոչարյանին 650 հազար դրամ փոխհատուցել դատական ծախսերի համար:
«Եթե իքս չափի գումար կորոշի, որ բռնագանձվի, անձամբ ես կհատուցեմ, որովհետև հայցից հրաժարումն իմ նախաձեռնությունն էր, և ես մինչև հիմա գտնում եմ, որ ճիշտ եմ արել: Եթե դատարանի կողմից բռնագանձվելիք գումարը մենք կգտնենք, որ արդարացի չէ, ապա կբողոքարկենք: Կտեսնենք, թե վերջում ինչ կլինի»,- ասաց Ալումյանը:
Հետևեք մեզ Viber-ում
